काठमाडौं, माघ २७
तेस्रो राष्ट्रिय बेटी (छोरी) सम्मेलन आजबाट हेटौंडामा हुने भएको छ । सम्मेलनमा देशका विभिन्न स्थानबाट समाजका विभिन्न तह र तप्कामा रहेका महिला, महिला अधिकारकर्मी र महिला हितका क्षेत्रमा काम गर्ने व्यक्तित्वहरुको उपस्थिति रहने छ ।
तिन दिने उक्त सम्मेलनमा समाजमा भईरहेका महिला हिंसा र महिलासँग संबन्धित कुप्रथाबारे विषेश छलफल गरिने छ । देशको सत्ता र शासनमा पनि महिलाले पुरुषसरह बराबर अधिकार पाउनु मागसहितको एजेण्डाबारे समेत सम्मेलनमा छलफल गरिनेछ ।
यो सम्मेलन माघ २६ देखी २९ गतेसम्म आयोजकले जनाएको छ । आयोजका अनुसार यस सम्मेलनमा देशभरबाट १०० जनाको सहभागिता रहनेछ जसमा ७५ प्रतिशत महिला र २५ प्रतिशत पुरुष रहनेछन् ।
विसं २०७५ मा प्रदेश नं १ उदयपुरको गाईघाटमा ‘सहन नपरोस् हिंसा र दुर्व्यवहार ः शिक्षा र स्वास्थलाई बनाऔँ चेलीबेटी सशक्तीकरणको हतियार’ भन्ने मूल नाराका साथ प्रथम राष्ट्रिय बेटी सम्मेलन र विसं २०७६ मा प्रदेश नं २ को राजधानी जनकपुरमा ‘विकृतिका बन्धनहरु तोड्दै अघि बढौं, मेची–महाकाली जोड्दै हिंसारहित समाज निर्माण गरौँ’ भन्ने नाराका साथ दोस्रो राष्ट्रिय सम्मेलन सम्पन्न भएको थियो ।
