विराटनगर, फागुन ८
विराटनगर–११ बुद्धविहार मार्ग अलकाटोलले ७१ औं प्रजातन्त्र दिवसका अवसरमा ज्येष्ठ नागरिकलाई सम्मान गरेको छ । ज्येष्ठ नागरिक समाज विराटनगर–११ को समन्वयनमा समाजसेवी ज्येष्ठ नागरिक शम्भु भण्डारी र सुमित्रा भण्डारीलाई सम्मान गरिएको हो ।
कार्यक्रममा विराटनगर महानगरपालिकाकी उपमेयर इन्दिरा कार्की, वडा नम्बर ११ का वडाध्यक्ष तीर्थेन्द्र न्यौपाने र बुद्धविहार मार्ग अलकाटोलका अध्यक्ष यादनरसिंह कार्कीले ज्येष्ठ नागरिकहरुलाई दोसल्ला ओढाएर सम्मान गर्नुभयो । उक्त कार्यक्रममा कवि कृष्णराज कोइराला, इन्द्र खतिवडा, तारा नेपाल, बुद्ध ताम्राकारलगायतले प्रजातन्त्रसँग सम्बन्धित रचना प्रस्तुत गर्नुभएको हो ।
