विराटनगर, फागुन १५
विराटनगरको जस्मिन हाइजिन विरुद्ध भन्सारछली गरेको दाबी सहित राजश्व अनुसन्धान विभागमा उजुरी परेको छ । उक्त कम्पनी विरुद्ध विराटनगरकै एक व्यावसायीले शुक्रबार विभागमा उजुरी दिएका हुन् ।
उजुरमा जस्मिन हाइजिनका संचालक अनिल/पुनित सारडाले भन्सार मूल्याङ्कन कम गरी ठुलो परीमाणमा तयारी सेनिटरी प्याडहरु नेपाल भित्र्याएको दाबी छ ।
भन्सार सन्दर्भ पुस्तीकमा तयारी सेनिटरी प्याडको प्रतिगोटा ४ देखि ६ रुपैयाँसम्म मुल्य कायम गरीएको छ । आयतकर्ताले जे जति मुल्यमा सेनिटरी प्याड आयत गरेतापनि भन्सार भने सन्दर्भ पुस्तीकामा तोकिए बमोजिमनै तिर्नुपर्छ । तर उक्त कम्पनीले सेनिटरी प्याडको भन्सार मूल्याङ्कन १ रुपैयाँ १२ पैसा कायम गरी नेपाल भित्र्याएको उजुरमा उल्लेख छ ।
यसरी भन्सार मूल्याङ्कन कम गरेर सेनिटरी प्याड नेपाल भित्र्याउदा सो कन्साइनमेन्टमा मात्र राज्यलाई लाखैको राजस्व क्षति भएको ठहर छ ।
विराटनगर भन्सारबाट मात्रै यस आर्थिक वर्षको पुस मसान्तसम्म दुई करोड ९३ लाख ४३ हजार छ सय तीन थान सेनिटरी प्याड आयात भएको छ । जसमा भन्सार मुल्याङक्न घटाएरलाई कराडौंको घपला गरिएको अनुमान गरिएको छ ।