महानगरविरुद्ध सुकुम्बासी आन्देलित

विराटनगर , फागुन २२
गोग्राहा चोकका सुकुम्बासीहरुले जबर्जस्ती घर भत्काउन खोजेको भन्दै विराटनगर महानगरविरुद्ध विरोधमा उत्रिएका छन् ।
महानगरपालिका–३ गोग्राहा चोकस्थित ऐलानी जग्गामा झण्डै ४० बर्षदेखि बस्दै आएका उनीहरुले महानगरपालिकाले जबर जस्ती हटाउन खोजेको भन्दै विरोध गरेका हुन् ।
महानगरपालिकाले शुक्रबार उनीहरूलाई घर खाली गरिदिनु भन्दै पत्र पठाएको थियो । तर सोही दिन अपरान्ह नगर प्रहरीलाई डोजरसहित घर भत्काउन पठाएको थियो ।
स्थानीयले जबरजस्ती घर भत्काउन लागेको भन्दै प्रदर्शनमा महानगर प्रमुख भीम पराजुलीको राजीनामा माग समेत गरेका थिए ।