विराटनगर ४ चैत्र ।
सरकारले निजि क्षेत्रमा कार्यरत मजदुरहरुको लागी विभिन्न योजना सहित तिन वर्ष अघि ल्याएको सामाजिक सुरक्षा कोष प्रति मजदुरहरुले गुनासो गरेका छन् ।
कोषको कार्यविधिको दोश्रो संसोधन पछि विराटनमा भएको उद्योगी:व्यापारी,मजदुर र कोष विचको त्रिपक्षीय अन्तरक्रियामा उनीहरुले गुनासो गरेका हुन ।
अन्तरक्रियामा सहभागि मजदुर नेताहरुले कोषको विषयमा मजदुरहरु अझै अनविज्ञ रहेको जिकिर गरेका थिए । नेपाल ट्रेडयूनियन महासंघका किसोर धमलाले कोषको विषयमा उद्योगीहरुलाई प्रष्ट बनाउनु पर्ने उनले बताए । उनले संचय कोषमा जम्मा भएको आफ्नो रकम लिन जादा मृत्यु भएको वा राजीनामा पत्र माग्ने गरेको बताए ।
मजदुर नेता अनिल पोखरेलले सामाजिक सुरक्षा कोषको विषयमा मजदुरमा अन्योलता रहेको बताए । उनले कोषमा सहभागिता जनाउन नचाहने श्रमीकहरुलाई के गर्ने भन्दे प्रश्न गरेका थिए ।
उद्योग संगठन मोरङ र मोरङ व्यापार संघ सँगको सहकार्यामा मंगलबार अन्तरक्रिया गरेको थियो । अन्तरक्रियामा मोरङ व्यापार संघका अध्यक्ष प्रकाश मुन्दडाले कोषको विषमा अस्पष्टता रहेकोले सहभागि हुन कठीन भइरहेको जिकिर गरे । कोषको उद्देश्य राम्रो हुदा हुदै पनि यस सम्बन्धमा आएका सुचना र समाचरले अन्यौलता सृजना गरिरहेको धारणा व्यक्त गरे ।
उद्योग संगठन मोरङका अध्यक्ष भिम घिमिरेले कोषमा सुरक्षाको ज्ञारेन्टी नभएको अवस्थामा उद्योगीहरुले छुट्टै बैंक खातामा रकम जम्मा गरिरहेको बताए ।
अन्तरक्रियामा सहभागि उद्योगी÷व्यापारी र मजदुरहरुले कोषको सानो कामको लागी पनि काठमाण्डौ नै पुग्नु पर्ने भएकोले प्रादेशिक कार्यालय स्थापना गर्ने माग गरेका थिए ।
सामाजिक सुरक्षा कोषले आफ्ना योजनाहरुको बारेमा सुनसरी मोरङ औद्योगीक करिडोरका उद्योगी,व्यवसायी र मजदुरहरु सँग अन्तरक्रिया गरेको जनाएको छ ।
कोषले कार्यविधि संसोधन गरेर माघ २९ बाट कार्यान्वयनमा ल्याएको छ । कोषले संसोधन र अन्योलता हटाउन अन्तरक्रिया गरेको कोषका निर्देशक उत्तमराज नेपालले बताए । निजि क्षेत्रका मजदुरहरुको लागी कोषले उपचार र दुर्घटना विमा तथा पेन्सन पनि उपलब्ध गराउने निर्देशक नेपालले जानकारी दिए ।

ADVERTISEMENT