विराटनगर ६ चैत्र ।
कोरोना महामारीले सुस्ताएको पर्यटन क्षेत्रलाई चलायमान बनाउन विराटनगरका यूवा उद्यमीहरुले मोटर र्‍याली गर्ने भएका छन् ।
र्‍याली गर्ने नेपाल युवा उद्यमी युव मञ्च विराटनगर शुक्रबार पत्रकार सम्मेलन गरी जनकारी गराएको हो । पर्यटन क्षेत्रलाई पहिलाकै अवस्थामा फर्काउने उद्देश्यका साथ मोटर र्‍यालीको आयोजना गरिएको मञ्चले जनाएको छ ।
चैत १२ गते ‘अन्वेषण पूर्व’ नाराका साथ मोटर र्‍याली सुरु हुने आयोजकले जनाएको छ । विराटनगरबाट सुरु भई बर्दिवास, घुर्मी हुँदै फाफ्लुसम्मको चार सय किलोमिटरको यात्रा गर्ने मोटर र्‍याली आयोजक समितिका संयोजक शुभम भट्टराईले जानकारी दिए । उक्त र्‍याली चैत्र १४ गते विराटनगर अइपुग्ने छ ।
एउटामा चार जना रहने गरी २० वटा मोटर र्‍यालीमा सहभागि हुने छन् । यस मोटर र्‍यालीमा सहागि हुन प्रतिव्यक्ति १५ हजार शुल्क तोकिएको छ । आयोजकले सहभागीको लागी फाफ्लुमा दुई दिनको वास, खाना, खाजा र प्रमाण–पत्रको व्यवस्था गरेको छ ।
उक्त मोटर र्‍यालीले आफ्नो छुट्टै मौलिक पहिचान र भौगोलिक बनावट भएको तराई, पहाड र हिमालको पर्यटकीय क्षेत्रलाई एक–आपसमा जोडेर पर्यटन प्रवद्र्धनमा सहयोग पुग्ने आयोजक टिमले अपेक्षा गरेको छ ।

तपाईको प्रतिक्रिया