विराटनगर, चैत्र ८
चैत २५ गते हुने नेपाल पत्रकार महासङ्घ चुनावको कार्यतालिका सार्वजनिक भएको छ ।
महासङ्घको केन्द्रीय निर्वाचन समितिले प्रकाशित कार्यतालिका अनुसार चैत ८ गते बेलुकी ५ः१५ बजे मतदाता नामावली प्रकाशन गरिने छ । चैत ९ गते दिउँसो साढे १२ बजेदेखि चैत १० गते दिउँसो साढे १२ बजेसम्म मतदाता नामावलीउपर दाबी विरोध गर्न सकिने निर्वाचन समितिले जनाएको छ । साथै अन्तिम मतदाता नामावली भने चैत ११ गते दिउँसो ४ बजे प्रकाशन गरीने भएको छ ।
उम्मेदवारी मनोनयन चैत १२ गते र उम्मेदवारको अन्तिम नामावली चैत १४ गते प्रकाशन हुने छ । चैत २५ गते हुने उक्त मतदान बिहान ९ बजेदेखि अपराह्न ५ बजेसम्म हुने निर्वाचन समितिले जनाएको छ ।
