विराटनगर ,चैत्र १८
नेकपा एमालेको माधव नेपाल पक्षले प्रदेश १ का मुख्यमन्त्री शेरधन राई विरुद्धको अविश्वास प्रस्तावमाथिको समर्थन फिर्ता लिएको छ ।
मङ्गलबार सामूहिक रुपमा १६ जना माधव नेपाल पक्षका सांसद्ले हस्ताक्षर फिर्ता गरेका हुन् । गत पुस १२ गते तत्कालिन नेकपा प्रचण्ड–माधव समूहका ३७ जनाको हस्ताक्षरसहित अविश्वास जनाएपनि नेपाल पक्ष र माओवादी केन्द्रका केहि सांसदले यसअघि नै हस्ताक्षर फिर्ता लिइसकेका थिए । यसअघि नेकपा एमालेको संसदीय दलको बैठकमा मुख्यमन्त्री राईले अविश्वास प्रस्तावमा हस्ताक्षर गर्ने एमालेका सांसदहरूलाई एक साताभित्र हस्ताक्षर फिर्ता लिन र त्यसको जानकारी दललाई गराउन निर्देशन दिएका थिए ।
हस्ताक्षर गरेका माधव नेपाल समूहका पाँच जना सांसद् यसअघि नै हस्ताक्षर फिर्ता लिएका थिए ।
