विराटनगर , चैत्र २२
सेञ्चुरी ग्रुपको दुगड स्पाइसेज एण्ड फुड प्रोडक्ट्स प्रालिले नेपालमा अवैध नुन बिक्रीवितरण गर्दै आएको पाइएको छ । प्रधानमन्त्री केपी ओलीका आर्थिक सल्लाहकार मोती दुगडले सञ्चालन गर्दै आएको उक्त कम्पनीले अवैध रुपमा नुन बिक्री गरीरहेको पाइएको हो ।
अतिआवश्यक खाद्य वस्तुको रुपमा सुचिकृत नुन साल्ट ट्रेडिङ कर्पोरेसन लिमिटेडलाई मात्र इम्पोर्ट तथा वितरण गर्ने अधिकार छ ।
तर दुगडले सबै कानुनी प्रावधानलाई लत्याएर शक्तिको आडमा नेपालमै “सेन्चुरी टेवल साल्ट” ब्राण्डको नुन उत्पादन तथा बिक्रिवितरण गरिरहेका छन् । स्रोतका अनुसार उनले स्वदेशकै तथा विभिन्न देशवाट समेत नुन ल्याएर यँहा रिप्याकिङ गरी “सेन्चुरी टेवल साल्ट” उत्पादन गर्ने गरेका छन् ।
आयोडिनयुक्त नुन मात्र आयत तथा वितरण गर्ने प्रवाधनलाई टेकर साल्ट ट्रेडिङले नेपालमा नुनको आपुर्ति गरिरहेको छ । सो अधिकार कुनै प्राईभेट कम्पनीलाई दिए कालोबजारी हुने वा अयोडिनहिन नुन वितरण हुन सक्ने खतरालाई मध्यनजर गर्दै सरकारले प्राईभेट कम्पनीलाई डाईरेक्ट नुन वितरण गर्ने अधिकार दिएको छैन ।
तर उक्त सबै प्रावधानको ढुगडले खिल्ली उडाउदै नेपालभरी नुनको अवैधधन्दा विस्तार गरिरहेका छन् । नेपालको भाटभटेनी लगायतका विभिन्न सुपर मार्केटमा सेञ्चुरीको टेवल साल्ट छ्याप्छ्याती किन्न पाइन्छ । मोती दुगडले सञ्चालन गर्दै आएको उक्त कम्पनीले सेञ्चुरी टेबल साल्ट भनेर बट्टामा नुन हालेर रिप्याकिङ गरी बिक्री गर्दै आएको पाइएको छ । साल्ट टे«डिङले नुन प्रतिकिलो २० रुपैयाँमा विक्रि गर्दै आएका छन् । तर दुगडले सानो सानो बट्टामा प्याक गरेको नुन प्रति बट्टा ३२ रुपैयाँ पर्दछ । यो ढंगले पनि दुगडले नेपालमा नुनको कालोबजारी गरीरहेको पुष्टी हुन जान्छ ।
प्रधानमन्त्रीको आर्थिक सल्लाहकार भएको फाइदा उठाउदै दुगडले खुलेआम उपभोक्ता ठग्दै आइरहेका छन् । उनका बिरुद्ध अवैधरुपमा बेचिएको नुनको बट्टासहित एक उपभोक्ताले उजुरी समेत गरेका थिए । तर खाद्य प्रविधि तथा गुण नियन्त्रण विभागले उक्त उजुर उपरी कारवाही अगाडि बढाउन सकेको छैन । सत्ताको आडमा दुगडले चलाएका उक्त गैरकानुनी कालोबजारी विरुद्धको उजुरीमा विभागले अहिलेसम्म उजुरीकर्तालाई कुनै जवाफ दिएको छैन । उजुरी दिएको १ बर्ष बितिसक्दा पनि सत्ताको दावाबको कारण विभागले उक्त फाईल पल्टाउन नसकेको स्रोतको भनाई छ ।
दुगडको उक्त कम्पनीले खाद्य प्रविधि तथा गुण नियन्त्रण विभागबाट अनुज्ञापत्र नम्बर समेत लिएको छैन ।
