काठमाडौं,वैशाख २
कुकुरलाई कुटपिट गरेको भिडियो भाइरल भएपछि उक्त प्रकरणमा प्रहरीले अनुसन्धान थालेको छ ।
काभ्रेपलाञ्चोकको धुलिखेल–४मा कुकुरलाई बिजुलीको पोलमा बाँधेर कुटपिट गरी हत्या गरेको भिडियो भाइरल भएपछि प्रहरीले अनुसन्धान थालेको हो ।
अहिले सम्म प्रहरीको प्रारम्भिक अनुसन्धानमा ८ वर्षको बालकलाई कुकुरले टोकेपछि दुईजनाले उक्त कुकुरलाइ कोदालो र फलामको रडले टाउकोमा प्रहार गरी हत्या गरेको देखिएको छ । यस विषयमा थप अनुसन्धान भइरहेको प्रहरीले जनाएको छ ।
विराेधमा माइतीघरमा प्रदर्शन
कुकुरलाई बिजुलीको पोलमा बाँधेर कुटपिट गरी हत्या गरेको भिडियो भाइरल भएपछि पशु अधिकारकर्मीले काठमाडौंको माइतीघरमा प्रदर्शन गरेका छन् ।
८ वर्षको बालकलाई कुकुरले टोकेकाे भन्दै स्थानीयले खैरे कुकुर मारेको विरोधमा अधिकारर्कीले प्रदर्शन गरेका हुन् । उनीहरुले खैरे कुकुरको हत्या भएको भन्दै हत्यारालाई कारबाहीको माग समेत गरेका छन् ।
यस विषयमा थप अनुसन्धान भइरहेको प्रहरीले जनाएको छ ।
