काठमाडौं, वैशाख २
कपिलवस्तुमा एकजना पत्रकारकाे ट्रकको ठक्करबाट मृत्यु भएको छ । कपिलवस्तुको बुद्धभूमि नगरपालिकाका करिब ५० वर्षीय पत्रकार नन्दराम पौडेलको मृत्यु भएको हो ।
मंगलबार राती काम सकेर मोटरसाइकलमा घर जाँदै गर्दा पश्चिम दिशाबाट आइरहेको ट्रकले ठक्कर दिँदा घटनास्थलमै पाैडेलकाे मृत्यु भएको इलाका प्रहरी कार्यालय पिपराले जानकारी दिएको छ । उनी स्थानीय बुद्ध दर्पण दैनिक र बुद्ध आवाज साप्ताहिकमा कार्यरत्त थिए ।

पौडेल पत्रकार महासंघको हालै सम्पन्न निर्वाचनमा प्रदेश कोषाध्यक्षका उम्मेदवार समेत हुन ।
ठक्कर दिने ट्रकलाई प्रहरीले नियन्त्रण लिएको प्रहरीले जनाएको छ ।