विराटनगर , वैशाख २
सुनसरी ईटहरी १४ नर्भासा नहरमा पौडी खेल्न गएका दुई बालकको डुबेर मृत्यु भएको छ । मंगलबार बेलुका ६ बजे नहरमा पौडी खेल्ने क्रममा डुबेर उनीहरुको मृत्यु भएको हो ।
मृत्यु हुनेमा ईटहरी–७ का १४ बर्षीय आयुष भुर्तेल र सोही स्थानका १७ बर्षीय सायल चौधरी रहेका छन् । नहरमा पौडी खेल्ने क्रममा डुबेर बेपत्ता भएपछी स्थानीय र प्रहरीको टोलीले फेला पारेर उनीहरुलाई उपचारको लागी घोपा धरान लगिएको थियो । उनीहरुको उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ । घटना सम्बन्धमा थप अनुसन्धान समेत भईरहेको प्रहरीले जनाएको छ ।
