विराटनगर , वैशाख ३
नेकपा माओवादीका अध्यक्ष गोपाल किराँतीले मजदुर र किसानबाट सांसदहरु चुनिनु पर्ने बताएका छन् ।
बिहिबार विराटनगरमा आयोजित पत्रकार सम्मेलनमा बोल्दै विद्यमान निर्वाचन प्रणलीलाई हटाएर २० प्रतिशत सांसदहरु मजदुरबाट र ६५ प्रतिशत किसानबाट चुनिने प्रणाली लागु गर्नुपर्ने उनले तर्क पेश गरेका हुन् ।
बाँकी १५ प्रतिशतमा पुजीवादीहरुलाई दिएर सन्तुलन कायम गर्नुपर्ने उनको तर्क छ ।
किराँतीले नेपालमा लोकतन्त्रवादी र कम्युनिष्ट भनिएका पार्टीहरु सच्चा रुपमा लोकतन्त्रवादी र कम्युनिष्ट नभएको आरोप समेत लगाएका छन् ।
