ईटहरी, वैशाख ९
सुनसरीको भोक्राहा नरसिंह गाउँपालिकाका अध्यक्ष महेन्द्र यादवविरुद्ध नाबालिगलाई करणी गरेको उजुर परेको छ ।
बुधवार राति करणीमा परेको भनीएकी १७ वर्षिय बालिकाको आमाले ईलाका प्रहरी कार्यालय धरानमा जाहिरी दिएकी थिइन् ।
जाहिरी परेसँगै धरान ४ स्थित डुकु होटल एण्ड लजबाट बुधवार साँझ अध्यक्ष यादव पक्राउ परेका थिए । होटलमा यादवको साथमा ति बालिकासमेत फेला परेकाे प्रहरी स्रोतको भनाई छ । अध्यक्ष यादवलाई पक्राउ गरी अनुसन्धान गरिरहेको ईलाका प्रहरी कार्यलय धरानका उप निरिक्षक ज्ञानेन्द्र बस्नेतले जनचर्चा डट कमलाई जानकारी दिएका छन् ।
पिडित बालिकाको घर ईटहरी भएको बुझिएको छ । अध्यक्ष यादवले बालिकालाई जागिर लगाईदिने प्रलोभनमा पारेको समेत खुल्न आएको छ । बुधबार साँझ अध्यक्ष यादव ईटहरी नै आएर बालिकालाई गाडिमा हालेर लिई गएको उजुरमा उल्लेख छ । कहाँ लागेको भनेर सोधखोज गर्दा जागिर बारे कुराकानी गर्नुपर्ने भन्दै बालिकालाई लिएर बेपत्ता भएको बिलिकाको आमाको भनाई छ ।
यस विषयमा खबरदारी जारी रहने छ : जनचर्चा डट कम
