विराटनगर, वैशाख २४
काेरोना संक्रमित भएर जटिल अवस्थामा पुगेका विरामीलाई दिईने औषधी रेम्डिसिभिरको नक्कल बनाउने दुई जनालाई विराटनगरबाट प्रहरीले प्रक्राउ गरेको छ । सो अपराधमा विराटनगर– ४ नोबेल टिचिङ्ग हस्पिटल अगाडि रहेको ‘साथी फार्मेसीका’ संचालक सोनु आलम र कामदार सरमण यादवलाई बुधबार प्रहरीले पक्राउ गरेको हो ।
उनीहरुले ‘स्टासेफ’ नामको ईजेक्टरी भाईलमा नक्कली रेम्डिसिभिरको लेबल लगाएर महंगो मूल्यमा कारोबार गर्ने गरेको प्रहरीको प्रारम्भीक अनुसन्धानबाट खुल्न आएको छ ।
स्टासेफ र रेम्डेसिभिर दुवैकाे बट्टा, साइज र आकार एउटै हुने भएकोले नक्कली लेबल लगाएर सो गिरोहले स्टासेफलाई रेम्डेसिभिर भन्दै बेच्ने गरेको खुल्न आएको छ । ‘स्टासेफ’ एन्टिबाइटीक औषधि हो जसको बजार मुल्य ९० रुपैयाँ मात्र छ । आर्को तर्फ रेम्डिसिभिरको बजार मुल्य साढे पाँच हजारसम्म पर्ने जानकार बताउँछन् । ति गिरोहोले नक्कली रेम्डिसिभिर समेत कालोबजारी गर्दै १३ हजारसम्म प्रति भाईल बेच्ने गरेको स्रोतको दावी छ ।
पक्राउ परेका सानु आलमलाई नक्कली रेम्डिसिभिर बनाउनका लागी स्टासेफ विराटनगरको श्री गणेश ड्रग हाउसले दिदै आएको समेत खुल्न आएको छ । उक्त ड्रग हाउसका संचालक सौरभ र गौरभ अग्रवाल दाजुभाई रहेको समेत खुलेको छ ।
अग्रवाल दाजुभाईले ठुलो मात्रामा स्टासेफ स्टक गरी राखेकाले नक्कली रेम्डिसिभिर बनाउने गिरोहसँगको साँठगाठ हुने सक्ने शंख्या समेत उब्जेको छ । सोही कारण अग्रवाल दाजुभाईको संखास्पद कारोबारलाई समेत नियामक निकायले शुुक्ष्म अनुुसन्धान गर्न जरुरी देखिएको छ ।
यस विषयमा खबरदारी जारी रहने छ : जनचर्चा डट कम
