विराटनगर, साउन १२
मुक्तिनाथ विकास बैंकले ‘मुक्तिनाथ सम्बृद्धि बचत खाता’ सञ्चालनमा ल्याएको छ । सो बचत खाताबाट निक्षेपकर्ताहरुले सर्वाधिक ब्याज प्राप्त गर्न सक्ने बैंकले जनाएको छ ।
यस बचत खातामा बैंकले ग्राहकलाई वार्षिक सर्वाधिक ब्याजदर ५ दशमलव २५ प्रतिशतको दरले मासिक ब्याज भुक्तानी प्रदान गर्ने बताईएको छ । कोभिड १९को प्रभावले सम्पूर्ण वितिय संस्थाहरुको निक्षेप–ब्याजदर ह्वातै ३ प्रतिशत भन्दा तलपुगेको थियो ।
‘मुक्तिनाथ सम्बृद्धि बचत खाता’ केबल १ सय रुपैयामा खोल्न सकिने बैंकले जनाएको छ । साथै यस बचत खाता खोल्नेलाई पहिलो वर्षको लागि निःशुल्क मोबाइल बैंकिङ तथा निःशुल्क इन्टरनेट बैंकिङको सेवा समेत प्रदान गर्ने बैंकले जानकारी दिएको छ ।
