विराटनगर, कार्तिक २७
पेट्रोलियम पदार्थ र ग्यासमा मूल्यबृद्धिका गरिएको विरुद्ध विराटनगरमा विरोध प्रदर्शन भएको छ । नेकपा एमाले निकट विद्यार्थी संगठन अनेरास्ववियुले शुक्रबार सडकमा सिलिण्डर गुड्काएर मूल्यबृद्धिको विरोध गरेका थिए ।
विरोध कार्यक्रममा संगठनका उपमहासचिव भाष्कर खनालले जनतालाई महंगीको चपेटामा पारेर, सरकारले आफुखुशी गर्ने नपाउने धारण व्यक्त गरेका थिए । उनले मुल्यवृद्धि फिर्ता नलिएर ठुलो जनसागर सडक आनदोलनमा उत्रिने चेतावनी समेत दिए ।
विरोधमा उत्रिएको अनेरास्ववियूका विद्यार्थिहरुले सरकार नागरिकप्रति गैर जिम्मेवार भएको भन्दा नारबाजी समेत गरेका थिए । अनेरास्ववियूका मोरङका अध्यक्ष सन्तोष घिमिरेले सरकारले मुल्यघटौति नगरेसम्म विरोधका कार्यक्रमहरु जरी राख्ने उद्घोष समेत गरेका थिए ।
