माघ २६, काठमाडौं
भन्सार एजेन्टको लाईसन्सको लागि लिखित परिक्षा फागुन २८ गते हुने भएको छ । भन्सार विभागले आज सार्वजनिक सूचना जारी गर्दै परिक्षाबारे जानकारी गराएको छ । सूचनामा परिक्षा केन्द्रबारे पछि जानकारी गराईने बताईएको छ ।
यस अघि २०७८ जेठ २२ र माघ २९मा तोकिएको परिक्षा कोरोना तथा अन्य विविध कारण देखाउदै विभागले स्थगन गर्दै आएको थियो । पुराना भन्सार एजेन्टका प्रभावमा परिक्षा गराउन विभागले ढिलाई गरेको भन्दै आवेदकहरुले यसअघि भन्सार विभागमा धर्नासमेत दिएका थिए ।
भन्सार एजेन्टको इजाजतपत्रका लागि २०७७ साल चैत १७ गते दरखास्त आवेदन माग गरिएको थियो । ६६० इजाजतपत्रका लागि साढे ९ हजारले आवेदन दिएका छन् ।
