काठमाडौं, फागुन १
विराटनगरका उद्योगी श्रवण अग्रवालमाथि साङ्घातिक आक्रमण भएको छ । शनिवार राति शनिहाटको मेनरोडमा रहेको पान पसलमा पान खाईरहेको बेला उनीमाथि आक्रमण भएको हो ।

अग्रवाललाई आक्रमण गर्ने विराटनगर निवासी ४० वर्षीय पवन शर्मा रहेको जानकारी प्राप्त भएको छ । शर्माले कुटपिट गर्न रेलिङ रडको प्रयोग गरेको बुझिएको छ । कुटपिटवाट गम्भीर घाईते बनेका अग्रवाललाई ८ वटा टाँका समेत लागेकाे छ ।

स्रातेका अनुसार शर्माले धाकदम्की दिएर उद्योगी व्यासंगहरुसँग पैशा उठाउदै आएका थिए । उद्यागीे अग्रवालले शर्मालाई रकम दिन नमानेपछि सो घटना हुन पुगेको बुझनमा आएको छ ।

अग्रवाल विराटनगरको ठुलो खाद्यान्य व्यवसायी हुन् । उनी नेपाल उद्योग वाणिज्य (नेउवा) महासंघ प्रदेश १ का कार्यकारी सदस्य समेत रेहका छन् । उक्त घटनाप्रति नेउवा महासङ्घ प्रदेश नम्बर १ समितिले विज्ञप्ती जारी गर्दै निन्दा गरेको छ । नेउवा महासङ्घ प्रदेश नम्बर १ का अक्ष्यक्ष टिकराज ढकालले यस्तो घटनाले उद्यागी–व्यवसायीलाई हत्तोसाहित बनाउने भएकाले यस्तो घटनालाई गम्भीरतापुर्वक लिन राज्य संयन्त्रलाई अग्रह गरेका छन् ।

तपाईको प्रतिक्रिया