विराटनगर , माघ ६
मारवाडी प्रिमियर लिग (एमपिएल) क्रिकेट प्रतियोगिताको नवौं संस्करण फागुन ११ गतेबाट शुरु हुने भएको छ । आयोजक नेपाल अग्रवाल यूवा मञ्च विराटनगरले विहिवार विराटनगरमा पत्रकार सम्मेलन गरि प्रतियोगिताबारे जानकारी गराएको छ ।
चार दिने उक्त प्रतियोगिता विराटनगर २ को शंकरपुर मार्गमा रहेको चौरमा हुने भएको छ । उक्त प्रतियोगतामा ९ टिम विच प्रतिश्प्रर्धा हुने बताईएको छ । जसमा नेपाल अग्रवाल युवा मञ्च, मेहेश्वरी युवा मञ्च , ओस्वाल युवा मञ्च , नेपाल मारवाडी ब्राहण युवा मञ्च र मेढ स्वर्णकार युवा मञ्चका क्रमश म्याजिक स्टीकर्स, प्रिमियर–११, हुलास–११,परशुराम वारियर्स र सिएसवि–११ सहभागिता रहनेछ ।
विजता टिमलाई ट्रफिका साथै नगद ६१ हजार रुपैयाँ र उप विजेता टिमलाई ट्रफि सहित २१ हजार रुपैयाँ प्रदान गरिने व्यवस्था मिलाएको एमपिएल ९ कमिटिका अध्यक्ष अभिषेक केडियाले जानकारी गराए ।

तपाईको प्रतिक्रिया