विराटनगर, फागुन १७
विराटनगर महानगरपालिकाको नवौं नगरसभा सर्वसम्मतरुपमा सम्पन्न भएको छ । आइतबार सम्पन्न सभामा आर्थीक वर्ष २०७८/०७९ को बजेट संसोधन, ऐन कानुनको विधेयक स्वीकृत तथा अर्धबार्षिक प्रगति समिक्षा ,संशोधित निति तथा कार्यक्रमका विषय छलफल भएको थियो ।
नंगरसभाका क्रममा मेयर भीम पराजुलीले जनतासंग निर्वाचन भएर आउनुभन्दा अगाडी गरेको घोषणापत्रमा उल्लेखित कामहरु ९० प्रतिशतभन्दा बढी पुरा भएको दाबी गर्नु भएको थियो । प्रत्यक्ष अनुभव हुनेगरी जनताले विकासको अनुभुति गरेको उहाँको भनाइ थियो ।
मेयर पराजुलीले विराटनगरका १९ वटै वडाका जनप्रतिनिधिहरुले आ आफ्नो वडामा अधितम विकास गरौ भन्ने भावनाका साथ काम गरेको भन्दै प्रशंसा गर्नु भएको थियो ।
आफ्नो कार्यकालमा डेढ सय किलोमिटिर भन्दा बढी सडक कालोपत्रे भएको, ६ हजार घरहरु समेटिने गरी ढल प्रणाली सहित फोहरमैला प्रशोधन केन्द्र निर्माण गरी सञ्चालन गरिएको , जनताको काममा सहज र सरल बनाउन आधुनिक तथा सुविधा सम्पन्न वडा कार्यालयहरु– वडाहरु ३, ५, ६, ७, ८, ९, १०, ११, १२, १४, १५, १६, १७, १८, १९ मा निर्माण गरिएको, आर्थिक, सामाजिक र पूर्वाधारको अधिकतम विकास गरी काम भइरहेको बताउनु भएको थियो ।
मेयर पराजुलीले कतिपय कामहरु आफ्नो कार्यकालमा सम्पन्न गर्न नसकिएको पनि बताउनु भयो । उहाँले तत्कालिन अबस्थामा संघीय र प्रदेश सरकारको असयोगका कारण धेरै महत्वपूर्ण योजनाका कामहरु सम्पन्न गर्न नसकेको बताउनु भयो । बाढी र कोरोना संक्रमणका कारण पनि कतिपय कामहरुमा अबरोध भएको उहाँको भनाइ थियो ।
यस्तै उपमेयर इन्दिरा कार्कीले विराटनगरको विकास द्रुतगतिमा भएको बताइन् । यतिको विकास हामी आएपछिकै हो उपमेयर कार्कीले भन्नुभयो“ पछिल्लो समय आएका जनप््रतिनिधिवाट मात्रै विकास सम्भव भएको हो । विराटनगरको समग्र विकास संगै केही काम पुरा नभएको र त्यो काम पुरा हुनेमा आशाबादी रहेको बताउनु भयो ।
यस्तै निमित्त प्रमुख प्रशासकिय अधिकृत दुर्गाप्रसाद खतिवडाले छलफलका विषयहरु उठान गर्नु भएको थियो । नगरसभामा विराटनगर महानगरका १९ वटै वडाका वडाध्यक्ष तथा कार्यपालिका सदस्यहरुले आफ्नो कार्यकालमा भएका विकास निर्माणको जस लिने र प्रचार गर्ने काम गर्न नसकिएको भन्दै त्यस्ता कार्यहरुका बारेमा जनतालाई जानकारी गराउनुपर्नेमा जोड दिनु भएको थियो ।
