काठमाडौं, फागुन २४
पर्साको सखुवाप्रसौनी गाउँपालिकाका अध्यक्ष प्रदीप जैसवाल र उपाध्यक्ष फलुमति देवी चौधरीबीच कुटाकुट भएको छ । आईतबार ८ औं गाउँसभाबारे जानकारी माग्दा अक्ष्यक्ष सहित वडाअक्ष्यक्षको समूहले आफुमाथि हातपात गरेको उपाध्यक्ष फुलमति चौधरीले आरोप लगाएकी छन् ।
अक्ष्यक्ष जैसवालले भने सामान्य वादविवाद हुँदा उपाध्यक्ष चौधरीले नै आफुमाथि पानीको बोतलले आक्रमण गरेको दावी गरेका छन् । अक्ष्यक्ष जैसवालले सोमवार पत्रकार सम्मेलननै गरी उपाध्यक्षले गरेको दुव्र्यवहार बारे खुलासा गरेका थिए ।
उता उपाध्यक्ष चौधरीले आईतवारनै आफुमाथि अक्ष्यक्षको समूहले कुटपिट गरेको आरोप लगाईसकेकी छिन् । जैसवालले आफु अध्यक्ष भएको दम्भ देखाउदै बलजफतले उपाध्यक्षको अधिकार बारवार खोस्दै आएको चौधरीको गुनासो छ ।
