विराटनगर, फागुन २५
नेपाली सेयर बजार अझै केही समय ओरालो लाग्ने संभावना देखिएको छ ।
हाल बजारमा पैशाको अभाव छ । न व्यापारीसँग पैसा छ न त बैंकसँग नै ।
को संग छ त पैसा ?
स्थानीयतहको चुनाव नजिकिदै छ । प्रत्यक्ष र अप्रत्यक्ष रुपमा विभिन्न व्यवसायमा लगानी गरेका नेताहरु अहिले मुठ्ठी कसेर बसेका छन् । उनीहरुसँग भएको पैसाँ रिलिज हुन अझै केही समय लाग्ने छ ।
स्थानीय तहको निर्वाचन वैशाख ३० गतेलाई तोकिएको छ । टिकट फाईनल नभएसम्म उम्मिदवारहरुले पैशा झिक्नेवाला छैनन् । चुनावी प्रचार प्रसारले गतिलिन थालेसगै नेपाली बजारमा पैसा छरिन थाल्छ । अनी मात्र बजारमा पैशाको अभाव हराउँछ । तर नेताको ढिकुटी उघ्रन अझै चानचुन एक महिना जति लाग्छ र त्यतिन्जेल बजारमा पैशाको अभाव नै खड्किने छ ।
यो बेलासम्म सेयर मार्केट उकलो लाग्ने संभावना निकै न्युन छ । उकालो लागे पनि धेरै ठुलो अंकले बजार माथि जादैन । सेयर मार्केटका ठुला लगानीकर्ताहरु समेत अहिले ‘‘वेट एण्ड वाच” को अवस्थामा छन् । चुनावले सेयर बजारमा पार्ने असरका बुझेका ख्याक लगानीकर्ताहरुले दुई साता अघिनै अधिक्तम सेयर बेची उत्तानो परेर सुतिरहेका छन् ।
ब्याज बढ्दै सेयर घट्दै
बजारमा पैशा अभाव हुँदा उद्योगी तथा व्यापारीहरु पैशाको खोजीमा भौतारी रहेका छन् । उनीहरु बैंंकलाइ मोटो ब्याजदर दिएर ऋण उठाउन तयार छन् । तर दुरभाग्यबस यतिबेला बैंकसँग पनि पैसा छैन् । त्यहि भएर बैंकले पनि निक्षेपकर्तालाई मोटो ब्याज अफर गर्दै निक्षेप गर्न अनुरोध गरिरहेको छ ।
देशका प्रतिष्ठित बाणिज्य बैंकहरुलेनै अहिले १२ प्रतिशतसम्म निक्षेपकर्तालाई ब्याज अफर गरिरहेका छन् । अर्कोतर्फ फिनान्सले १५ प्रतिशत र सहकारीले १८ प्रतिशतसम्म निक्षेपकर्तालाई ब्याज अफर गरिरहेका छन् । सोही कारण यतिबेला सेयरका ख्याक लगानीकर्ताहरु डुब्ती सेयर मार्र्केटलाई छोडर बैंकमा सर्ट टर्म डिपोजिट गर्न रुचाईरहेका छन् ।
अब के गर्ने ?
सेयरमा लगानी गर्न चाहनेहरुले यतिबेला चुप लागेर बस्ने समय हो । बैंकमा सर्ट टर्म डिपोजिट गर्नु अथवा साधारण सेभिङबाट ब्याज खादँै बस्नुनै अहिले सेयर लगानीकर्ताको लागी उपयुक्त देखिएको छ । करिब चैतको अन्तिमबाट मात्रै नेपाली सेयर बजारले गतिलिन सक्ने जनचर्चा डट कमको प्रक्षेपण छ ।
