विराटनगर, चैत ९
सत्यनारायण माध्यमिक विद्यालयका ३७ विद्यार्थीलाई मंगलबार छात्रवृत्ति प्रदान गरिएको छ । स्वर्गीय सुमनदेवी गोयल स्मृति छात्रवृत्ति कोष र विद्यालयको आन्तरिक स्रोतबाट उक्त छात्रवृत्ति प्रदान गरिएको हो ।
कोष अन्तर्गत उत्कृष्ट अंक ल्याउने २२ जेहेन्दार विद्यार्थीहरूलाई छात्रवृत्ति रकम प्रधान गरिएको छ । विद्यार्थिहरुलाई कोषका संरक्षक दिनबन्धु गोयल र मनोज गोयलले छात्रवृति रकम हस्तान्तरण गरेका हुन् ।
त्यसैगरी विद्यालयको आन्तरिक स्रोतबाट वितरण गरिंदै आएको छात्रवृत्ति कार्यक्रम अन्तरगत १५ जना उत्कृष्ट विद्यार्थीहरूलाई छात्रवृत्ति प्रदान गरिएको छ । विद्यालयका प्रधानाध्यापक धर्मानन्द खरेलले कक्षा ११ का विभिन्न संकायमा प्रथम हुने विद्यार्थीहरूलाई छात्रवृत्ति प्रदान गरेका छन् ।
कार्यक्रममा काषेका संरक्षक दिनबन्धु गोयलले २० वर्षदेखि कोषले विद्यार्थीलाई छात्रवृति प्रदान गरिरहेको जानकारी दिए ।
