विराटनगर, २५ चैत्र
आदर्श उपभोक्ता संरक्षण समिति विराटनगरले विराटनगर महानगरका मेयर भीम पराजुली सहित चार जनालाई सम्मान गरेको छ । उपभोक्ता संरक्षण समितिको २३ औं साधारण सभाका अवसरमा समाजमा उल्लेखनीय योगदान दिने ब्यक्तिहरुलाई सम्मान गरिएको हो । सम्मानित हुनेहरुमा विराटनगर महानगर वडा नं.३ का वडाध्यक्ष बिनोद बस्नेत,पान्चाली मन्दिर विराटनगरका पिठाधिस अच्युत प्रपन्नाचार्य ,नेपाल मेडिकल कलेज काठमान्डौकी स्वास्थ्यकर्मी उषा कार्की रहेका छन् ।
मेयर भीम पराजुली र वडाध्यक्ष विनोद बस्नेतलाई आदर्श नागरिक सम्मान प्रदान गरिएको छ । स्वास्थ्य क्षेत्रको मृगौला डायलसिस सेवामा ३० वर्ष भन्दा लामो समय काम गरेको भन्दै स्वास्थ्यकर्मी उषा कार्कीलाई सम्मान गरिएको हो । यतै सडक ,पेटीमा अलपत्र अवस्थामा रहेका गौं संरक्षण गरेकोमा पाञ्चाली मन्दिरका पिठाधिस अच्युत प्रपन्नाचार्यलाई सम्मान गरिएको हो ।
उपभोक्ता संरक्षण समिति अध्यक्ष मीना जोशीको अध्यक्षतामा भएको कार्यक्रममा पुनरावेदन अदालतका पूर्व न्यायाधिस भिमेन्द्र बहादुर कार्की,समाजसेवी रामबाबु दाहाल,कांग्रेस नेतृ इन्दु सुवेदी लगायतको सहभागिता रहेको थियो । यसै गरी कार्यक्रममा रेखबहादु भट्टराईद्धारा लिखित पुस्तक जीवनपथको मेयर भीम पराजुलीले विमोचन गरेका थिए भने पुस्तकको समिक्षा दिनेश सुवेदीले गरेका थिए ।
