बिराटनगर, जेष्ठ ६
निरज बस्नेत
बिराटनगर ११ नयाँ गुद्री नजिक मनकामना डान्स सेंन्टरको उद्घाटन भएको छ । ३ जनाको संयुक्त लगानीमा सेंन्टरको औपचारिक शुरुवात आजबाट भएको छ । बिराटनगरका घनिन्द्र मगर, संगिता राई र राजन राजवंशी यस डान्स सेंन्टरका संचालकत्रय हुन् ।
५ लाख लगानी रहेको सेंन्टरमा सबैखाले डान्स क्लासहरु हुनेछन् । बिराटनगरको चिरपरिचित अनुहार नृत्य सम्राट प्रेम सुनामले यस डान्स सेंन्टरको रिबन काटी उद्घाटन गरेका हुन् । उद्घाटन सत्रमा बोल्दै सुनामले संचालकत्रयलाई मुक्तकण्ठले बधाई दिएँ ।
कार्यक्रमका सभापति समाजसेवी राममोहन श्रेष्ठले सबैलाई बधाई दिदै शरिर स्वस्थ राख्न नृत्य अनिवार्य भएको प्रतिकृया व्यक्त गरे । कार्यक्रमका अतिथि सारडा ग्रुप अफ कम्पनिजका एरिया सेल्स म्यानेजर गोविन्द दाहालले मन्तव्य व्यक्त गर्ने क्रममा आफुलाई निमन्त्रणा गरेकोमा खुशी व्यक्त गर्दे भने मानव स्वास्थ्यलाई नृत्य अनिवार्य हुने बताएँ । यस अवसरमा समाजका अन्य गन्यमान्य मानिसहरुको समेत उपस्थिती रहेको थियो ।
