बिराटनगर, जेष्ठ २७
निरज बस्नेत
नेकपा एमाले मोरङद्दारा आयोजित वृहत कार्यकर्ता भेला बिराटनगरमा सम्पन्न भएको छ । प्रमुख अतिथि एमाले अध्यक्ष केपी शर्मा ओली थिए । कार्यक्रम बिहान ११ बजे तय गरिएको थियो । ओली भने दिउँसो २ बजे आईपुगे । कार्यक्रम ओली आउँनुअघि नै शुरु भएको हो ।
ओली आउँनुअघि नै कार्यक्रममा केहि एमालेका जिम्मेवार नेताको भाषण सकिसकेको थियो । ओली कार्यक्रम हलभित्र प्रवेश गर्दा एमाले सांसद भानुभक्त ढकालको सम्बोधन चलिरहेको थियो । हरेक कार्यक्रममा अक्सर ओली ढिला पुग्नाले आम कार्यकर्तामा एक प्रकारको वैमनस्यता पैदा हुनेगरेको छ । यसबाट ओली स्वयंलाई घाटा नै भईरहेको छ ।
कार्यक्रममा ढिला आउँदा आफुमुनिकाको वास्तविकतामा गुनासो सुन्न पाईदैन, परिणामतः पार्टी कमजोर दिशातर्फ जाँन्छ । कार्यक्रम स्थल शुरुमा बरगाछी उत्तर मनास्लु होटल ईनमा राखिएको थियो । पछि एक्कासी एमाले नेता भोला बरालको कंचनजंघा पार्टी प्यालेसमा सारियो । ओली कार्यक्रम हलभित्र छिरेको आधा घण्टा पछि सम्बोधनमा उत्रिएँ ।
कुर्सीमै बसेर १ घण्टा बढी लामो भाषणले उपस्थित धेरैलाई वाक्कदिक्क बनायो । सम्बोधनका क्रममा अधिकांश समय ओलीले शेरबहादुर देउवा, प्रचण्ड, लगायतलाई गाली गर्देमा खर्चिएँ । मोरङ जिल्लाभरका १७ पालिकामध्ये एमालेले ९ पालिका प्रमुख र १२ पालिका उपप्रमुख जितेको हो । यही जितको हुटहुटी सहितको दम्भ ओलीमा प्रष्ट देखियो ।
सिट संख्यामा केहि तलमाथि भएको र अहिले पनि ७ वटै प्रदेशमा एमाले १ नं. पार्टी भएको ओलीको घमण्ड पुनः दोहोरियो । कार्यक्रममा एमालेका अन्य नेताहरु, अग्नि खरेल, शेरधन राई, लालबाबु पण्डित, जिवन घिमिरे, लगायतको उपस्थिती रहेको थियो । कार्यक्रममा मोरङ जिल्लाभरका एमालेबाट बिजेता स्थानीय जनप्रतिनिधिहरुलाई सफल कार्यकालको ओलीले शुभकामना समेत दिएँ ।
