कटहरी, साउन २
मोरङको कटहरी गाउँपालिकामा पहिलो पटक भौतिक संरचना सहित प्रहरी चौकीको स्थापना गरिएको छ । गाँउपालिकाको कार्यालय भित्रै रहेको एक भवनलाई प्रयोग गरि कटहरीमा प्रहरी चौकीको स्थापना गरिएको हो ।
सोमबार गाउँपालिका अध्यक्ष देवराज चौधरी र मोरङका प्रमुख जिल्ला अधिकारी काशिराज दाहालले संयुक्त रूपमा सो चौकीको उद्घाटन गरेका छन् ।
उद्घाटन कार्यक्रममा बोल्दै कटहरी गाउँपालिका अध्यक्ष चौधरीले नवस्थापित कटहरी प्रहरी चौकीले जनतामा शान्तिसुरक्षा प्रत्याभुति गराउने आश्वासन व्यक्त गरे । घर गाँउमै प्रहरी चौकी भएपछि अपराधिक क्रियाकलाप तथा घटनाहरुपनि क्रमस घट्दै जाने अध्यक्ष चौधरीले बताए ।
कार्यक्रममा बोल्दै मोरङका प्रमुख जिल्ला अधिकारी काशिराज दाहालले शान्तिसुरक्षा स्थापित गराउन प्रहरीको मात्र नभएर स्थानीवासीको पनि महत्वपूर्ण भुमिका रहने धारणा व्यक्त गरे । स्थानीयहरुले स्वतःस्फूर्त रुपमा कानुनको पालना गरे प्रहरी प्रसाशनको कतैपनि आवश्यक्तै नपर्ने उनको तर्क छ ।
त्यस्तै कार्यक्रममा बोल्दै मोरङका प्रहरी प्रमुख उपरिक्षक शान्तिराज कोईरालाले शान्ती सुरक्षा स्थानीयको सल्लाह र सहभागित मात्रै सुदृढ हुने तर्क गरे । स्थानीयहरुले कानुनको पालाना गर्ने सावालमा प्रहरीसँग सहकार्य गरे मात्र सुरक्षित समाज स्थापना हुने काईरालाको भनाई थियो ।
नवस्थापित कटहरी प्रहरी चौकीको इन्चार्ज प्रहरी सहायक निरीक्षक दल बहादुर कार्की रहेका छन् । कार्कीको कमाण्डमा चौकीमा ९ जनाको प्रहरी टोली खटाईएको छ ।
