विराटनगर, साउन २६
विराटनगर । विराटनगरमा लामो समयपछि पुल पार्टी हुने भएको छ ।
चर्चित डिजे केडीको साथमा विराटनगरको हाटखोलास्थित आरके सिटी सेन्टरको सातौँ तलामा रहेको ‘स्काइ लन्च’ रेस्टुरेन्टमा पुल पार्टी शनिवार दिउँसो २ बजेबाट सुरु हुने भएको हो । पार्टीमा नेपाली र्यापर जिपरितोष (परितोष गिरी)को समेत प्रस्तुती रहने छ ।
कोभिड १९ सङ्क्रमण फैलिएपछि विराटनगरमा पुल पार्टी भएको थिएन । चर्चित डिजे र र्यापरको साथमा रमाइलो गराउने उद्देश्यले पुल पार्टी आयोजना गरिएको आरके सेन्टरका व्यवस्थापक प्रमुख संजीव गजमेरले जानकारी दिए । स्काइ लन्चमा रहेको स्वीमिङ्ग पुल क्षेत्रमा पुल पार्टी हुनेछ । पुल पार्टीमा र्यापर जिपरितोष सहित गायक त्रिलोकको साङ्गीतिक प्रस्तुतिले समेत थप मनोरञ्जन प्रदान गर्ने छन् ।
