विराटनगर, भदौ १७
निरज बस्नेत
ईटहरी जेसिजको आयोजनामा ईटहरीमा भोलीको नेतृत्व विषयक कार्यक्रम सम्पन्न भएको छ । विहीवार सम्पन्न उक्त कार्यक्रमका प्रमुख वक्तामा, मनिस झा, मानुसी भट्टराई, वसन्त अधिकारी लगायतका रहेका थिएँ ।
लायन्स हलको सभा कक्षमा भएको कार्यक्रममा ५ सय बढीको सहभागिता रहेको थियो । कार्यक्रम जेसिज ईटहरीको साताव्यापी अन्र्तगतको चलेको थियो । कार्यक्रमको अन्तिम दिन विहीवार लिडर्स फर टूमरो, शीर्षक अन्र्तगतको सेसन चलेको हो ।
यस कार्यक्रलाई सम्वोधन गर्दे, फ्याक्ट्स नेपालका सिईओ मनिस झाले समग्र नेपालको राज्य व्यवस्थाको यथार्थ चित्रण गरे । हिजोको राजनीति भित्रको वेथिति, यसभित्र रहेको कूरितिलाई प्रष्ट पार्ने प्रयास गरे । आजका युवालाई राजनीति राम्रो हो । फोहोरी खेल होईन । राजनीति गर्ने नेता चाहीँ गलत भएर विकृति बढेको हो । तसर्थ व्यक्ति सफा हुनुपर्छ । यस्ता सान्दर्भिक भनाई झाले राखे ।
अर्का वक्ता, डा वावुराम भट्टराईकी सुपुत्री मानुसीले समय सापेक्ष चल्नुपर्छ । हामीले खाली नेतालाई मात्र दोष दिएर कदापि उम्किन मिल्दैन । अरुलाई चोर औंला देखाउँदा अरु बाँकी औंला आफूतिर सोझिन्छ, यो चाहीँ हेक्का राख्नपर्ने बताइन् । त्यस्तैगरि गरिखान देउ विराटनगरका वसन्त अधिकारीले समेत राजनीतितर्फ युवालाई आकर्षित गर्ने नै मन्तव्य व्यक्त गरे ।
