विराटनगर, भदौं २३
निरज बस्नेत
नेपाली कथानक चलचित्र झिंगे दाउँ यतिवेला देशभर चलिरहेको छ । आमाको ममतालाई केन्द्रविन्दूमा राखेर चलचित्र निर्माण गरिएको छ । केकी अधिकारी, आँचल शर्मा लगायतको मुख्य भूमिका रहेको छ ।
जेठानी–देउरानीको रोलमा दुवै फिट छन् । एकाघरको कहानीलाई फोकस गरी चलचित्र बनाईएको छ । गाउँकै धनी भण्डारी खलककी छोरीको रोलमा केकी छिन् । आँचलको चाहीँ मिडीयम क्लासको परिवार हुन्छ । केकी–आँचल दुवै मिल्ने साथी हुन्छन् । कालान्तरमा दुवैको पानीवारको झगडा शुरु हुन्छ । यहीँ दुई जनाको झगडा जारी रहन्जेल चलचित्रमा कौतुहलता वढिरहन्छ ।
केकीले दाई सँग विहे गर्छिन् भने आँचलले भाईसँग लगनगाँठो कस्छिन् । विहे पछाडी पनि केही समयसँम्म केकी–आँचल दुवैको घर राम्ररी नै चलिरहेको हुन्छ । जव जव मुवी अगाडी बढ्दै जान्छ । स–सानो कुरापनि ईगोमा परिणत भईदिन्छ । केकी–आँचल दुवैको हात हालाहाल, मारापिटले चलचित्रभित्र उग्ररुप धारण गर्छ । फलस्वरुप दुवै दाजुभाईमा समेत दरार पैदा भईदिन्छ । परिणामतः आमाको माया समेत ओझेल परिदिन्छ ।
वाउ विनाको घर, सानैमा फिल्मका नायक दुवै दाजुभाईले वाउ गुमाएका हुन्छन् । आमा एक्लैले दुई लालावालालाई अनेकौं दुःख–कष्ट झेली हुर्काएकी हुन्छिन् । विहेवारी लाठे वनाई सम्पूर्ण कर्तव्य पूरा गरेकी हुन्छिन् । अन्ततः सुख पाउँने वेलामा जीवनको अन्तिम घडीमा वृद्धाश्रमको वासमा पुग्ने अवस्थामा त्यहीँ छोराछोरीले पुर्याउँदा कम्ति नरमाईलो वित्छ । त्यो भाेग्नेलाई नै थाहाहुन्छ । यही अपरम्पार आमाको माया केन्द्रित झिंगे दाउ चलचित्र बनेको छ ।
