दिनेश खड्का
विराटनगर, असोज ६
लिङको पहिचान कुनै व्यक्तको योनाङबाट नभएर मनोविज्ञान तथा भवनाबाट छुटाईनुपर्ने एक कार्यक्रमको वक्ताहरुले बताएका छन् । बुलु डाइमन सोसाइटी नेपाल मोरङले विराटनगरमा बुधबार आयोजना गरेको पत्रकारसँगको अन्तरक्रियामा (तिस्रो लिङ्गी) यौनिक तथा लैङ्कि अल्पसंख्यकहरुले यस्तो बताएका हुन् ।
कार्यक्रममा बोल्दै डाइमन सोसाइटी तथा मानव अधिकारको क्षेत्रमा काम गर्दै आएका सुदीप गौतमले योनाङको आधारमा महिला पुरुष भनेर लिङ्ग छुट्याउनु गलत धारणा भएको बताए । “योनीसहित जन्मिएको व्यक्तिको भित्र पुरषको भवना हुनसक्छ, र लिङ सिहित जन्मिएको व्यक्तिभत्रि महिलाको भवना हुनसक्छ ।” गौतमले भने “समाजले योनाङ हेरेर मात्र महिला पुरुष छुट्याउने काम गरिरहेको छ, जुन एकदैम गलत धारणा हो ।” यदी योनीसहित जन्मीएको व्यक्तिलाई यदि महिलाप्रति आर्कषण हुन्छ भने उसलाई पुरषको दर्जा दिईनुपर्ने र पुरुषभवना बोकेका ट्रान्सजेन्डरलाई पनि पुरषको दर्जा दिईनुपर्ने गौतमको भनाई थियो ।
कार्यक्रममा यौनिक तथा लैङ्गिक अल्पसंख्यकहरुले राज्यले बनाएको विभेदकारी नीति निर्माण खारेज गरि यौनिक तथा अल्पसंख्यक मैत्री कानुन निमार्ण गरिनुपर्ने विषयमा समेत जोड दिएका थिए । राज्यले गरेको विभेदको कारणले यौनिक तथा अल्पसंख्यकहरुले अहिले पनि पहिचानको आधारमा नागरिकता नपाएको बताए । उनीहरुले महिला पुरुषमा सिमित गरिएको नागरिकता वितरण व्यवस्थालाई फराकिलो बनाएर यौनिक तथा अल्पंख्यकहरुको पहिचानको आधारमा नागरिकता दिईनु पर्ने धारणा राखेका थिए ।
परिवर्तनशिल समाजको कार्यक्रम संयोजक मुस्कान श्रेष्ठले यौनिक तथा लैङ्गिक अल्पसंख्यकहरुलाई हेर्ने दृष्टिकोणमा परिवर्तन गरिनुपर्नेमा जोड दिइन् । यौनिक तथा लैङ्गिक अल्पसंख्यकहरु पनि महिला पुरुष जस्तै यो देशको नागरिक भएकोले बिभेदकारी नीति अन्त्य गरिनुपर्ने बताइन् ।
