विराटनगर, कार्तिक १
निरज बस्नेत
मोरङ–६ मा लौरो अभियान का रुपमा टेकबहादुर अधिकारी खडा भएका छन् । चुनाव चिन्ह लौरो बोकी चुनावी मैदानमा अधिकारी दरो रुपमा होमिएका हुन् ।
भ्रष्टहरुलाई सेकाउने, बा आमालाई टेकाउने चुनावी स्लोगन बोकी मैदानमा तयार भई उत्रिसकेका छन् ।लौरो को एउटा राम्रो लहर देशव्यापी रुपमा अहिले आईरहेको छ । यही लहरलाई अधिकारीले समेत सदुपयोग गरी जनताको सेवा गर्न अगाडी बढेका छन् । पछिल्लो स्थानीय चुनावमा समेत लौरोका उम्मेदवारले गतिलै छाप छोड्न सफल भएका छन् । यसलाई नै अव, प्रतिनिधि सभाको चुनाव मंसीर ४ मा राम्रै उपयोग गर्ने देखिन्छ ।
आम मतदाताको ठूला भनिएका पार्टीप्रति धेरै नै वितृष्णा देखिरहेको परिपेक्ष्यमा यो पालि लौरो अभियान का उम्मेदवारहरुको विजयी लहर देशभर राम्रो हुने अड्कल काटिदैछ । यही मेसोमा चुनाव चिन्ह लौरो समाती घर घरमा अधिकारी आम जनताको मन जित्न धेरै हदसम्म सफल भईरहेका छन् । अधिकारीको क्षेत्र मोरङ–६ मा सत्ता गठबन्धनबाट, कांग्रेसका डा. शेखर कोईराला र एमालेका लालवावु पण्डित चुनावी मैदानमा छन् । यो क्षेत्रलाई निकै नै अर्थपूर्ण तवरले हेरिएको छ । प्रतिक्षाको अन्तिम घडी मंसीर ४ मा गएर टुगिंने छ ।
