विराटनगर, मंसीर २६
निरज बस्नेत
मोरंग व्यापार संघ विराटनगरमा , चर्को बैंकको ब्याजदर एवं प्रतिफल बैंकिङ नीति सम्वन्धी बृहत छलफल कार्यक्रम आज सोमवार सरोकारवाला सवैसँग हुदैछ ।
कार्यक्रम मोरङ व्यापार संघकै समृद्दी हलमा हुनेछ । बैंकिङ नीतिहरुको बदलिएको कार्यक्रमले समाजका सवै वर्ग पीडित भएकोप्रति सवै वर्गसँग व्यापक छलफल कार्यक्रम हुन लागेको हो ।
निजी क्षेत्रका सवै संघ–संस्थाका प्रमुख एवं सम्पूर्ण वस्तुगत संघ–संस्थाका प्रमुख तथा प्रतिनिधिहरु, सदस्यहरु उपस्थित हुनेछन् । त्यस्तैगरी उधोगी, व्यवसायीहरु, कृषकहरु समेतको सहभागिता रहने छ । साथमा बैंक व्याजदरले पीडित अन्यको समेत उपस्थितीमा वृहत छलफल संचालन हुन गईरहेको हो ।
कार्यक्रमको आयोजना मोरङ व्यापार संघ, उधोग संगठन मोरङ र नेपाल उधोग परिसंघ प्रदेश नं. १ विराटनगरको संयुक्त हो ।
