विराटनगर, पुष १२
नवनियुक्त अर्थमन्त्री विष्णु पौडेलले मोरङ व्यापार संघका अध्यक्ष नविन रिजाललाई फोन गरी तुरुन्त काठमाडौं आउन भनेका छन् ।
चर्को ब्याज विरुद्ध अन्दाेलन चलाई रहेका उद्योगी व्यापारीलाई वार्ताका लागी बोलाउने क्रममा रिजाललाई मन्त्री पौडेलले फोन गरेका हुन् । फोन आएपछि रिजाल मन्त्री भेट्न काठमाडौं पुगीसकेका छन् । रिजालसँगै उद्योग संगठन मोरङका अध्यक्ष सुयेश प्याकुरेल समेत वार्ताका लागी काठामाडौं पुगेका छन् ।
रिजालका अनुसार वार्ता टोलीमा सहभागी हुन विराटनगरबाट ६ जनाको टोली काठमाडाै पुग्दैछन्। त्यसैगरी भैरहवा, बुटवल, नेपालगन्ज र काठमाडौँ उद्योग वाणिज्य संघका प्रतिनिधि पनि वार्तामा सहभागी हुने रिजालले जानकारी दिएका छन्।
उद्योगी व्यापारीसँग मंगलबर नै अर्थमन्त्रीले वार्ता गर्ने तयारी छ ।
