निरज बस्नेत
इनरुवा, पुष २७
सुनसरीको इनरुवामा एकाविहानैबाट भक्काको व्यापारले सवैको ध्यान आकृष्ट गर्दछ । भक्का आमरुपमा जो कोहीले पनि खाँदा राम्रो हुने चिकित्सकहरु बताउँछन् ।
विशेषगरी तराईमा त भक्काको आक्रमक कारोवार हुने गरेको देखिन्छ । कतिपयले यही भक्काको व्यापारबाट मनग्गे आम्दानी गरी परिवार समेत मज्जाले पालेको अध्ययनहरुले देखाएको छ ।
भक्काको कारोवार विन्टर सिजनमा ज्यादा हुने गरेको छ । तरपनि यो खानेहरले बारेमास खाने गर्दछन् । इनरुवा बजारकी पुजा साह भक्का प्रायः डेली २ पिस खाने गरेको कुरा सुनाउँछिन् । कहिले–कहिले त विहान, वेलुका गरी ४ पिस समेत खाने गरेको सुनाउँछिन् । खाजामा यिनलाई भक्का जतिको राम्रो अरु केही लाग्दैन । भक्काले स्वास्थ्य पनि राम्रो पार्ने साहको बुभाइ रहेको छ । खाजामा अरु चिल्लो चाप्लो मम, चाउँमिन, चटपटे, समोसा, खानु भन्दा भक्का नै खानुलाई यिनी राम्रो मान्छिन् । र, अन्यलाई समेत नियमित भक्का खान सुझाउँछिन् ।
सुनसरीको ईटहरीमा भक्का बेच्नेको रमाइलो सवै दिशातर्फ देखिन्छ । प्रायः चाही विहानीपख धेरैले भक्का खाने गरेको पाइन्छ । हुन त साझमा समेत भक्का खानेको भीडभाड नै हुन्छ ।
इटहरी भट्टराई चोककी पुस्मिता गिरीको पहिलो रोजाइको खाजा नै भक्का भएको बताउँछिन् । पेशाले यिनी स्टाफ नर्स हुन् । विराटनगरको कंचनवारीमा रहेको नोवेल अस्पतालमा यिनी कार्यरत रहेको बताउँछिन् । घर इटहरीबाटै यिनी विराटनगर ड्युटीका बखत धाउँछिन् । ड्युटीमा जाँदा पुस्मिता इटहरीमा त भक्का किनेर १ पिस खान्छिन् नै साथै विराटनगरको कंचनवारी नहरमा रहेको भक्कावालीसँग चाही ३ पिस सम्म भक्का खाने गरेको बताउँछिन् । गिरीलाई विराटनगरको भक्का इटहरीको भन्दा मिठो लाग्ने गरेको बताउँछिन् । यहाँको कंचनवारी नहर छेउको भक्का बेच्ने दिदिले प्रत्येक दिन औंसतमा २ देखी ४ हजार सम्मको भक्का बेच्ने गरेको बताइन् ।
यी त प्रतिनिधि पात्र मात्र हुन् । भक्का बेचेर मनग्गे आम्दानी गर्ने अनि भक्का खाएर आनन्द महसुस गर्नेहरुको, मूलतः आजभोली भक्का नै बेचेर धेरैले राम्रै आम्दानी गरी जीविकोपार्जन समेत गर्ने गरेको तथ्यले बताउँछ ।
भक्काको कारोवार तराई, पहाड, हिमाल सवै भेगमा हुने गरेको छ । भक्का सवैमाझ लोकप्रिय हुनुमा स्वास्थ्यवद्र्दक भएको कारण प्रमुख हो । तथापी भक्का खाँदा स्वादिलो, मिठो पनि हुन्छ । भक्का सिधै खाँदा अति उत्तम हुन्छ । कतिपयले आफ्नो जिब्रोको स्वाद अनुसार चिया अथवा चट्नीसँग समेत खाने गरेका छन् ।
