निरज बस्नेत
विराटनगर, माघ ८
विराटनगर पानीटंकीका मास्टर्स डिग्री होल्डर युवा अंशु गुप्ता एवं कटहरी आदर्शनगरका अर्का युवा इन्जिनियर सुधीर यादव बीचको मित्रता बबाल टाइपको छ ।
मौका पाउँनसाथ दुवै खानपिनमा रमाउँन थालि हाल्छन् । हुन त मान्छेले दुःख खानकै लागि गरेको गुप्ता बताउँछन् । यही भएर पनि ७ फागुनमा गुप्ता परिवारको लगानीमा बुढीगंगा गाउँपालिका टंकीमा होटल मिलन खुल्दैछ ।
गुप्ताले होटलसँग सम्वन्धीत पढाई भारतको पुणेबाट गरेका छन् । यसमा अंशुसँगै उनकै भाई अनीसको समेत लगानी रहेको छ । साथमा अंशु, अनीसका वुवा समाजसेवी , राजनीतिज्ञ अरुण गुप्ताको त राम्रै साथ दुई छोरालाई हुने नै भयो ।
विराटनगर बसपार्कमा होटल मिलनको नामले प्रख्यात यो होटल तत्कालीन वेलामा अंशुका हजुरवुवा कालिका गुप्ताले संचालनमा ल्याएका थिँए ।
यता इन्जिनियर यादवको इतिहास पनि गज्जवकै छ । अहिले यादव मोरङ ग्यास विक्रेता संघका सचिव समेत हुन् । यादवको कोशी सिलिण्डरको आफ्नै पसल विराटनगर बरगाछी पूर्वपट्टी छ । यहाँ सुधीरको साथ भाई निकुले समेत दिने गरेका छन् । यसमा पूरै यादव परिवार आवद्द छ भन्दा हुन्छ ।
यादवका वुवा पूर्व बैंकर हुन् । सुधीरको राजनीतितर्फ राम्रै दख्खल रहेको साथीभाई बताउँछन् ।
दुवै, अंशु अनि सुधीरको चाही खानपिनमा राम्रै सौख रहेको यिनका सर्कलका दोस्तहरु बताउँछन् । मौका मिलेमा दुवै खानपिनमा रमाउँन अलिकता पनि कसर बाँकी राख्दैनन् । त्यही भएर पनि दुवै खाएँ जस्तै मोटाघाटा छन् ।
