निरज बस्नेत
विर्तामोड, माघ ८
पूर्वराजा ज्ञानेन्द्र शाह र मेडिकल व्यवसायी दुर्गा प्रसाइँ यतिवेला नजिएका छन् । शाह र प्रसाइँको सामीप्यतालाई धेरैले अर्थपूर्ण तवरले टिप्पणी गर्न थालेका छन् ।
आखिर यी दुई बीच नजिकिने त्यस्तो के चल्दैछ । सवैको लागि यो जिज्ञासा बन्दैछ । पछिल्लो समयमा आएर शाह एवं प्रसाइँको घनिष्टतालाई कतिपयले अशुभ समेत भनी प्रतिक्रिया दिन समेत पछि परेका छैनन् ।
यससम्वन्धमा मेडिकल व्यवसायी प्रसाइँ सामान्य भनी पन्छिन खोज्छन् । मिडीयालाई प्रतिक्रिया दिदा प्रसाइँ पूर्वराजाको भेटलाई सामान्य भन्छन् । अहिले मिडीयाबाजीमा रमाउँने पात्रको रुपमा समेत कतिपयले प्रसाइँलाई अर्थ्याउँने गरेको पाइएको छ ।
विर्तामोडस्थित यिनको वि. एण्ड. सी. टिचिङ हस्पिटलमा कतै पुर्व राजाको त भित्री रुपमा लगानी छैन ? कतिपय यसो पनि भन्न थालेका छन् । यसमा सत्यता नभएको प्रसाइँको दावी रहँदै आएको छ ।
प्रसाइँको विएण्डसीमा कुनै समयमा प्रचण्डको समेत लगानी रहेको सर्वविदीतै रहँदै आएको विषय थियो ।
१ फागुनमा प्रसाइँको अगुवाइमा मेची पुलबाट नेपाललाई हिन्दु राष्ट्र कायम गरिनुपर्ने आन्दोलनको विशेष उद्घाटन कार्यक्रम रहेको छ । यसमा पूर्व राजा समेत आउँने प्रसाइँको विश्वास रहेको स्वयम् प्रसाइँले नै बताउँदै आएका छन् । यस सम्वन्धमा प्रसाइँले पूर्वराजालाई निम्तो समेत दिइसकेका छन् ।
