०५ आषाढ २०८१, मंगलबार
18-06-2024 , Tue

विराटनगरमा इतिहासकै सबैभन्दा ठुलो एक्स्पो लगाउने तयारीमा सिएनआई

Logo
प्रकाशित बिहिबार, माघ १२, २०७९

विराटनगर, माघ १२
विराटनगरमा इतिहासकै सबैभन्दा ठुलो एक्स्पो आयोजना हुँदैछ । कन्फिडिरेशन अफ नेप्लिज ईण्डसट्रिज (सिएनआइ) प्रदेश १ले विराटनगरको शंकरपुर खेल मैदानमा सो एक्स्पो आयोजना गर्न लागेको हो । सिएनआई कोशी एक्स्पो नाम दिईएको उक्त एक्स्पो यही माघ १९ गते देखि २८ गतेसम्म संचालन हुँदैछ ।

शंकरपुर खेलमैदानमा यसअघि विराट व्यापार संघ र उद्योग संगठन मोरङले आलोपालो विराट एक्स्पो आयोजना गर्दै आएको थियो । तर यसपटक भने सिएनआईको टोलीले जग्गाधनीलाई कन्भीन्स गरी उक्त स्थानमा सिएनआई कोशी एक्स्पो लगाउने तारतम्य मिलाईसकेको छ ।
यसअघि एक्स्पोेहरु अयोजना गर्दा शंकरपुरका दुईमध्ये एक खुल्ला मैदानमा प्रद्धर्शनी स्थल बनाईने गरीईएको थियो र अर्को मैदानलाई पार्किङको रुपमा प्रयोग गरिदै आएको थियो । तर अब सिएनआईले गर्ने एक्स्पोमा दुवै खुल्ला मैदानलाई जोडी विशाल एक प्रद्धर्शनीस्थल बनाईदैछ । बुधवार दुई खेलमैदानलाई जोडन आयोजकले खेलमैदानको पर्खालसमेत भत्काईसकेको छ । पार्किङको लागी भने आसपासमा रहेको विभिन्न पाँच खुल्ला मैदानलाई प्रयोगमा ल्याईने बताईएको छ ।

सिएनआई एक्स्पोमा ३ सय ५० भन्दाबढी व्यापारीक स्टलहरु राखिने भएको छ । एक्स्पोमा स्वदेशी उत्पादनलाई मुख्य प्राथमिकतामा राख्दै भारत, बंगलादेश, पाकिस्तान लगायतका मुलुकको उत्पादनको प्रदर्शनी रहेको छ ।
सिएनआईका प्रदेश १का अध्यक्ष भिम घिमिरेले सिएनआई एक्स्पो विराटनगरको अहिलेसम्मको सबैभन्दा ठुलो एक्स्पो हुने दावी गरेका छन् । एक्स्पोको स्वरुप, कारोबार र सहभागीताको आधारमा सिएनआई कोशी एक्स्पो अहिलेसम्मकै सबैभन्दा ठुलो प्रद्धशनी हुने आयोजकको भनाई छ ।

दुई महिनामा दुई अन्तर्राष्ट्रिय एक्स्पो

यही वर्षको मंसिर २९ गतेदेखि पुष ९ गतेसम्म विराटनगरको पुरानो हवाईफिल्डमा उद्योग संगठन मोरङले विराट एक्स्पो अयोजना गरी समापन गरिसकेकोछ । त्यसको दुई महिना बित्न नपाउदै यहाँ सिएनआईले अर्को अन्तराष्ट्रियस्तरको एक्स्पो आयोजना गर्दैछ ।

दुई महिनाको अन्तर्रालमा अर्को अन्तराष्ट्रिय एक्स्पो आयोजना गरिनुलाई उद्योग संगठन, व्यापार संघ र परिसंघविचको जुंगाको लडाईको रुपमा हेरिएको छ । के यो जुंगाको लडाई नै हो भन्ने प्रश्नमा परिसंघका अध्यक्ष घिमिरले भने “ सिएनआई एक्स्पो पहिलो पटक हुन गईरहेको एक्स्पो हो, म प्रदेशको संस्थापक अध्यक्ष भएकोले यसलाई भव्यताको सफल पार्नु मेरो दायीत्व हो” उनले थपे “ विराट एक्स्पो पनि हाम्रै कार्यक्रम हो, यसलाई सफल पार्नु पनि हाम्रो दायीत्व हो, मैले सकेको विराट एक्स्पोको लागी पनि गरेको छु ।”

तिनै संस्था मिलेर एउटै व्यानरमा एक्स्पो गराउने साँझा योजना रहेको, त्यस विषयमा छलफल हुँदाहुदै पनि समय अभावको कारण साँझा कार्यक्रम गर्न नसकिएको घिमिरेको भनाई छ । अर्को पटक साँझा ब्यानरमा कार्यक्रम गर्न सिएनआईको तर्फबाट ढोका खुल्ला रहेको अध्यक्ष घिमिरेले जनचर्चा डटकममार्फत सबैलाई जानकारी गराउन आग्रह गरेका छन् ।

कमेन्ट गर्नुहोस्
सम्बन्धित

 असार ३, काठमाडौं । मुस्लिम धर्मावलम्बीको दोस्रो महान् पर्व बकर इद (इदुल जोहा) आज देशभरका मस्जिदमा मनाइँदै छ । इदुल फित्र अर्थात् रमजान पर्वको ७०औँ दिनमा बकर इद मनाउने गरिन्छ । मुस्लिम धर्मावलम्बीले आज नजिकैको मस्जिदमा गई सामूहिक नमाज पढ्छन् । नमाज पढिसकेपछि एकापसमा शुभकामना आदानप्रदान गर्ने चलन पनि छ । यस पर्वका अवसरमा मक्का […]

विराटनगर,असार १ । नेपाल लोकतन्त्रवादी आदिवासी जनजाति महासंघ मोरङ क्षेत्र नं. ४ को प्रथम अधिवेशन सुरु भएको छ । ग्रामथान गाउँपालिका स्थित नेताचोकमा भएको उक्त कार्यक्रमको उद्घाटन नेपाली कांग्रेसका केन्द्रीय सदस्य भीम पराजुलीले गरेका छन् । कार्यक्रममा बोल्दै पराजुलीले आदिवासी, जनजातिको सर्वाङ्गीण विकासबाट मात्रै देशको समृद्धि सम्भव हुने बताए । आदिवासी, जनजातिहरुको पहिचान गर्ने र उनीहरुको […]

झापा, असार १ । पर्याबरण संरक्षणको सन्देश प्रवाह गर्दै विश्व पैदाल यात्रामा निस्किएका रोहन अग्रवालले नेपालका ७३ वटा जिल्लाको भ्रमण पूरा गरेका छन् ।  भारतको महाराष्ट्रस्थित नागपूराका २२ वर्षीय रोहनले पर्यावरण संरक्षणका लागि सचेतना जगाउँदै भारत र वंगलादेशको पैददलयात्रा सम्पन्न गरी नेपाल आएका हुन् । पश्चिम नेपालबाट पैदलयात्रा शुरु गरेका रोहनले नेपालका ७३ वटा जिल्लाको […]