निरज बस्नेत
विराटचोक, मोरङ, फागुन ५
मोरङको विराटचोकमा १५ दिने कृषि, पर्यटन र व्यापार महोत्सव लाग्दैछ । सो कुराको जानकारी महोत्सव संयोजक भविन पाण्डेले जानकारी गराएका छन् ।
यही फागुन ७ गते महोत्सव शुरु हुनेछ । २१ फागुनमा महोत्सव सकिनेछ । झरना यूवा क्लव सुन्दरहरैंचा–९ मोरङको आयोजनामा हुन लागेको सो महोत्सवमा कम्तिमा ५० स्टलहरु समाविष्ट रहने कुरा क्लवका अध्यक्ष प्रह्लाद पाठकले बताएका छन् ।
युवा उद्यमशिलता, देशको आवश्यकता, स्लोगन बाकेको यस महोत्सवमा राष्ट्रिय कलाकारहरु, प्रमोद खरेल, रचना रिमाल, कमल खत्री, एलिना चौहान, मेलिना राई लगायतको समेत जोडदार प्रस्तुती रहने कुरा संयोजक पाण्डेले बताएँ ।
महोत्सवमा दैनिक उपभोग्य वस्तु तथा सेवाहरु, कृषि उत्पादनहरु, इलेक्ट्रोनिक्स आइटमहरु, लगायतका स्टलहरु रहने जानकारी अध्यक्ष पाठकले दिएका छन् । पाठकका अनुसार महोत्सवमा मनोरन्जनात्मक खेलहरु, फेशन शो, तथा अन्य विविध गतिविधिहरु समेत रहनेछन् ।
पिएलओ ल्युव मुख्य प्रायोजकमा रहेको छ । प्रणाम इट्टा प्रायोजकमा छ । सह–प्रायोजन श्री जि एन कंक्रिट उद्योग, प्रिन्स इट्टा प्रा लि , पिके कृषि सन्तुलित पशुदाना, कंचनजंगा इन्ड्रष्ट्रीज प्रा लि, एनपी ग्रुप, विबा लक्ष्मी ज्वेलर्स, टूबोर्ग वियर, जेएसआर आरएमसीले गरेका छन् ।
