निरज बस्नेत
विराटनगर, चैत्र १६
विराटनगरमा रहेर लामो समयदेखी कलाकारिता क्षेत्रमा अतुलनीय योगदान दिदै आएका वरिष्ठ कलाकार चन्द्र थापाको दुःखद निधन बुधवार भएको छ ।
हालमा चाँही थापा परिवारको वसोवास कटहरीमा हो । जमानाका धुरन्धर संगीतकार थापा त्यहीवैले काठमाडौं गएको भए सायद आज प्रतिष्ठित कलाकार बनिसक्ने थिँए । तथापी उनको विराटनगर नछाड्ने अठोट कै कारण हुनसक्छ, आज उनको मृत्युमा विराटनगरनै शोकाकूल भएको छ ।
तत्कालीन विराटनगर उपमहानगरपालिकाका कर्मचारी रहेर काम गरेको मिठो अनुभव थापासँग थिँयो । सौभाग्य चलचित्रमा संगितकारको भूमिकामा अव्वल कहलिएका थापाले अन्य ठूलो तथा सानो पर्दामा राम्रो उच्च कोटीको संगित भरेका छन् ।
थापाको संगतले धेरैले संगितको दुनियाँमा तहल्का मच्चाउँन सफल भएका छन् । थापाको अन्तिम दाहसंस्कार परम्परा अनुसार बुधवारनै सम्पन्न भइसकेको छ । थापाका श्रीमती, ३ छोरा तथा २ छोरी छन् । अलविदा चन्द्र थापा ।
