विराटनगर, वैशाख १६
बुढीगंगा गाउँपालिका–२ गंगाचोकस्थित विराट हेल्थ केयर इन्डष्ट्रिज प्रालिले ‘ह्वाइट मुन’ सेनिटरी प्याड बजारमा ल्याउने भएकाे छ । शुक्रबार पत्रकार सम्मेलनको आयोजना गरेर विराट हेल्थ केयर इन्डष्ट्रिजले साे प्याड बजारमा ल्याउनेबारे दिएको हो ।
कोभिड–१९ का बेला स्थापना भएको उक्त उद्योगले माक्स, डेड कभर, फुटकभर जस्ता स्वस्थ्य सुरक्षाका सामाग्रीहरु उत्पादन गर्दै आएकाे थियाे । उद्याेग स्थापना भएको दुई वर्षपछि विराट हेल्थ केयर इन्डष्ट्रिजले उच्च गुणस्तरको सेनेटरी प्याड बजारमा ल्याउदै छ । उच्च गुणस्तरको सेनिटरी प्याड संक्रमणरहित अत्याधुनिक उपकरणबाट उत्पादन हुने गरेको विराट हेल्थ केयर इन्डष्ट्रिजका ब्राण्ड म्यानेजर दिक्षा थापाले बताइन् ।
कम्पनीका प्रबन्ध निर्देशकका क्षत्र बहादुर खड्का अनुसार अबकाे एक साताभित्र नेपाली बजारमा सबैतिर उपलब्ध हुने गरी वितरणकाे काम अघि बढी रहेकाे छ। यस कम्पनीले विभिन्न ९ प्रकारकाे प्याडहरु उत्पादनमा गरिरहेकाे छ । जुन महिला र वृद्ध र वैश्यककाे लागी हुनेछ । यस फ्याक्ट्रीले दैनिक ३ लिख पिस प्याड उत्पादन गर्ने क्षमता रहेकाे छ । त्यसै गरी केही समयमै कम्पनीले बेवी डाईपर समेत उत्पादन गर्ने तयारी गरिरहेकाे बताईएकाे छ ।
