१५ जेठ २०८१, मंगलबार
28-05-2024 , Tue

कांग्रेसमा लामो समय विताएका झाले कांग्रेस छोड्ने कारण यस्तो रहेछ…

पैसा नै सवथोक मान्ने धेरै नेता कांग्रेसमा छन् ।
Logo
निरज बस्नेत प्रकाशित बिहिबार, जेठ २५, २०८०

रास्वपा सांसद मनिस झा

विराटनगर, जेठ २५
राष्ट्रिय स्वतन्त्र पार्टीका समानुपातिक सांसद मनिस झाको नेपाली कांग्रेससँगको सम्वन्ध लगभग १० बर्षसम्म प्रत्यक्षरुपमा रह्यो । “२, ३ वटा चुनावमा प्रत्यक्ष रुपमा कांग्रेससँगै जोडिएर काम पनि गरियो ।गगन थापाको नेतृत्वको घोषणापत्र मस्यौदा समितिको सदस्य समेत रहेर मैले काम गरे । पैसा नै सवथोक मान्ने धेरै नेता कांग्रेसमा छन् । केही  राम्रा नेता पनि कांग्रेसमा नभएको होइन तर अह‌ंम निर्णय गर्ने बेलामा उनहरुलाई ओझेलमा परिन्छ। जव जव कांग्रेसमा मिटीङ बस्छ । केही सिमित नेताको साथमा बस्छ । त्योवेला मलाई आफैप्रति आत्मग्लानी हुन्थ्यो । आखिरमा मैले त यसरी आफ्नो इमान त गुमाउछु ।” उनै झाले एक टेलिभिजन कार्यक्रमका दौरान आफू कांग्रेसबाट विरक्तिएर निस्केको अनुभव सुनाए ।

उनी अगाडी थप्छन् : मैले क्याम्पसमा विद्यार्थी जीवन विताइरहँदा कुनै नेतालाई एयरपोर्टमा लिन जाँदा उसलाई फूलमालाले स्वागत गरिरहँदा मेरो राजनीति के का लागि र किन भन्ने प्रश्न सँगै उब्जिन्छ । कांग्रेस दाजु–भाउजुको पार्टी मात्र बनेको देख्दा आफैलाई दिक्दार लागेको समेत उनले उक्त अन्तरवार्ताका क्रममा बताएका छन् ।

“राजनीति भनेको त १० अनि १५ बर्षसम्म कुनै नेताको चाप्लुसी –चाकडी गर्ने मात्र त होइन । कलेजको मास्टर्स डिग्रीको पढाई ३० बर्षसम्म सक्ने , बाँकीको १५ बर्षसम्म कुनै नेताको गुलामी गर्ने अनि महत्वपूर्ण उमेर त्यहीँ खत्तम गरिसक्ने , अनि बाँकी रहेको मेरो बचेको कुन चाँही उमेरमा मैले राजनीति गर्ने, त्यो उर्जाशील उमेर त म सँग रहँदैन ।जव मेरो शरीरमा केही गर्छु भन्ने उमेर सकिन्छ । मैले राष्ट्र अनि जनताको लागि त न्याय गर्न पटक्कै सक्दिन । लालसा पलाउँछ म मा भने मैले राजनीति गर्न सक्दिन ।” झाले भन्छन् ।

भर्खरै बजेट भाषण आएको कुरामा समेत झा, ले तिक्तता पोखेका छन् । प्रतिनिधि सभामा शून्य समय लिएर बोलिरहँदा उनले गहिरो रुपमा मन छुने भनाइ राखेका थिएँ । “बजेट हामी बर्षेनी ल्याउँछौ । तर कसका लागि ? जेठ १५ गते बजेट ल्याइरहँदा हामी कुनै व्यापारिक घरानालाई पोस्नेगरी अघिल्लो दिन १४ गते ११ सय वटा गाडी भंसार छुट गरी भित्रयाउन दिन्छौ । अनि हामी भन्दछौ । बजेट सवैका लागि ल्याएका छौं । महोत्तरीको एउटा पान पसलेले बजेटबाट के पायो त ? अनि पहाड कुना कन्दराकी कुनै एक चिया पसल थाप्ने आमालाई बजेटले के फाइदा पुर्यायो त ? त्यो त बजेटमा कहिल्यै आँउदैन । बर्षेनी पुराण पाठ पढ्ने यस्तो बजेट यत्रो समय अनि पैसा खर्च गरी पढ्नुको औचित्य चाँही मैले देखिन ।”

 

कमेन्ट गर्नुहोस्
सम्बन्धित

काठमाडौं, १४ जेठ । निलम्बित न्यायाधीश भुवन गिरी जबरजस्ती करणी मुद्दामा दोषी ठहर भएका छन् । जिल्ला अदालत काठमाडौंका न्यायाधीश दुर्गाप्रसाद भुसालको इजलासले उनलाई बलात्कार मुद्दामा दोषी ठहर गरेको हो । सम्बन्ध विच्छेदको मुद्दा चलिरहेको अवस्थामा सहमतिविना गिरीले जबरजस्ती करणी गरेको आरोप छ । गिरीकी श्रीमती आरती रावलले मुद्दा दायर गरेकी थिईन् । निलम्बनमा रहेका […]

काठमाडौँ ,१३ जेठ ।   मुलुकले भुक्तान गर्न बाँकी सार्वजनिक ऋण करिब रु २४ खर्ब रहेको सार्वजनिक ऋण व्यवस्थापन कार्यालयले जनाएको छ। साथै चालु आर्थिक वर्षको १० महिनामा रु ९८ अर्ब ऋण थपिएको छ। यो चालु आवको १० महिनाको भुक्तानी गर्न बाँकी सार्वजनिक ऋण हो। टाउको गन्ती हिसाब गर्दा हरेक नेपालीको भागमा करिब ८० हजार रुपैयाँ […]

काठमान्डौंँ,१२ जेठ ।डेङ्गु रोगको सङ्क्रमण ५७ जिल्लामा देखिएको छ। मौसम परिवर्तनसँगै पानी पर्न थालेपछि डेङ्गु रोगको सङ्क्रमण पनि बढ्न थालेको हो। स्वास्थ्य तथा जनसङ्ख्या मन्त्रालयको इपिडिमियोलोजी तथा रोग नियन्त्रण महाशाखाका किटजन्य रोग शाखाका प्रमुख डा गोकर्णप्रसाद दाहालले पानी पर्न थालेपछि मानिसले पानी सङ्कलन गरेर राख्ने र सङ्कलन गरिएको पानीमा लामखुट्टे रहने भएकाले डेङ्गुको जोखिम बढेको जानकारी […]