निरज बस्नेत
भदाै १८
“आजको लागि केही भएन,
भोलीबाट हाम्रो महानगरपालिकाको कुनै पनि गाडी रोकियो भने, सिंहदरवारमा आगो लगाइदिन्छु ।
याद राख चोर सरकार।”
यहि स्टाटस हालेर बालेन शाह एकाएक पुनस् एकपटक भाइरल भएका छन् । उनको यो स्टाटसमा रातारात लाखौंको संख्यामा लाइक, कमेन्ट अनि शेयर आएको छ । यो पाली मात्र नभएर, यस्ता (यस्ता स्टाटस बेलामौकामा हालेर बालेन शाह चर्चाको केन्द्रविन्दुमा छाउने गरेका छन् । वास्तवमै बालेन शाह काठमाडौं महानगरपालिकाको मेयर भएपछि चर्चाको उच्च बिन्दुमै पुगेका छन् । शाहले गर्ने हरेक गतिविधिले तहल्का मच्चाउने काम गरिरहेको छ । काठमाडौंवासीको मन ( मनमा बस्न सफल शाहलाई भरोसा भनेकै आम नेपाली जनताकै हो । यहि भरोसाको सधैं कदर गर्दै उनले चाल्ने प्रत्येक स्टेप जनताकै पक्षमा आउने गरेको देखिन्छ । आज यसै कारण केन्द्र सरकारले समेत बालेनको केहि हल्लाउन सकेको छैन ।
‘आजको लागि केही भएन।’ ठिक छ । सन्दर्भ कसरी पनि जोडीन पुग्योभन्दा , मेयर बालेन पत्नीलाई बच्चा पाउने ब्यथाले एक्कासि च्यापेपछी बालेन पत्नी महानगरको सरकारि गाडीमा शनिबारको रातमा हुइकिन । अस्पताल जाँदै गर्दा एक्कासि ट्राफिकले गाडी बाटोमा रोक्यो । र, भन्यो शनिबार सरकारी गाडी किन चलाएको रु सरकारी पास खोइ भन्दै केरकार अनावश्यक रूपमा गरेको कुरा स्वयं ड्राइभरले बताएका छन् । फेरि ड्राइभरले भित्र गाडीमा म्याम हुनुहुन्छ । म्यामलाइ ब्यथाले च्यापिसक्यो । बेलैमा अस्पताल पुर्याउनुपर्छ । भनी भनिरहदा , ब्यक्तिको ज्यानभन्दा ठूलो सरकारी पास हो रु बालेन पत्नी सर्वप्रथम एक सचेत नागरिक हुन् । बादमा मेयर बालेन पत्नी हुन् । फेरि नेपालको संविधानमै स्पष्ट ब्यवस्था छ । प्रत्येक नागरिकको स्वास्थको रक्षा गर्नुपर्ने दायित्व त सरकारकै हो । अनि सडकमा ड्युटीमा खटिएका ट्राफिक त सरकारकै मातहतमै काम गर्ने हुन् । यति भनिरहदा मेयरको चाकडीवाज हो अथवा गर्यो भन्ने गलत अर्थ चाहिँ कसैले लगाइछ्न भने त्यस्तालाई हाम्रो केही भन्नू छैन । बस् यति भन्छौ । कठैबरा १ ठिक छ शनिबारको दिन सरकारी गाडी चलाउनु सरासर गलतनै हो । फेरि यो पटक त बालेन पत्नी भन्दापनी एकजना नेपाली नागरिक जसलाई अस्पताल छिटो पुर्याउनु थियो । फेरि हतारको बेलामा प्राइभेट गाडी अगाडि थिएन होला १ या भनौ सरकारी गाडीनै सामुन्नेमा देखियो । बस् , यसलाइ राजनीतिक फण्डा आफ्नो स्वार्थपुर्तीका लागि गर्नु दुर्भाग्य हो । फेरि सरकारी गाडीको चरम दुरुपयोग त ठुला भनिएका पार्टी अनि तिनका आसेपासेहरु बाटनै अक्सर हुनेगरेको जगजाहेर छदैछ ।
‘भोलीबाट हाम्रो महानगरपालिकाको कुनै पनि गाडी सरकारबाट रोकियो भने, सिंहदरवारमा आगो लगाइदिन्छु।’
अब यो भनाइलाइ हलुका रूपमा पनि नलिइकन अनि अन्यथा पनि नमानिकन सपाट तरिकाले बुझ्नुपर्ने हुन्छ । यसमा घिसिपिटी टाउको दुस्खाइभन्दा अलिक पर गएर बिचार ( बिमर्श घनिभूत तवरले गरिनुपर्दछ । सिंहदरवारमा आगो लागेको कुरा बि स २०३३ सालतिर हो । त्योबेलाको र अहिलेकोमा बिल्कुलै फरक छ । त्यो समयमा आगो लागेको नै थियोे । आगो लगाउछु भनेर जानकारि गराएर लगाएको पनि होइन । एउटा कालखण्डमा आगो लाग्यो । कुरा सकियो । आज बालेनले आगो लगाउछु भनेकोलाइ सकारात्मक पाटोले विश्लेषण गरौ । सिंहदरवारमा बस्ने शासकहरु नेपाली जनताप्रति बिल्कुलै उत्तरदायी नभएको प्रति तीखो ब्यङ्य प्रहार यस अभिव्यक्तिमा छ । आज चुनावताका जनताको पिरमर्का मलाई जिताएको खण्डमा छु मन्तर तरिकाले पूरा गर्दिन्छु भनी वाचा गर्छन् । चुनाव जिति नेतृत्वमा पुगेपछि भ्रष्टाचारको खालमा डुब्छ्न । यो त यथार्थ हो । अनि बालेनको स्टाटसको खाटी कुरो बुझ्नुको साटो उल्टै नेगेटिभ हुनुपनी त जायज नहोला ।
‘याद राख चोर सरकार।’ यो त आज हरेक नेपालीले दिलदेखी भनिरहेको कुरा हो । यसमा के अनौठो मान्नु छ र रु बालेनले आट गरे , भने । ढिलो ( चाडो कसै न कसैले आट गरिहाल्थे । बालेन चर्चाको शिखरमा पुगेका जनप्रतिनिधि भएकै कारण यसले माइलेज लियो । फगत यति न कुरा हो । बालेनका भन्दा आक्रोशित भएर सामाजिक संजालमा आज प्रत्येक दिन यो भन्दा कडा कडा स्टाटस त सर्वसाधारण जनतालेनै हाली पोस्ट गरि त रहेका छन् । यसलाई ब्यक्ती उपर हेर्नुभन्दा पनि समग्र सिस्टम कसले कसरी करपटेट पार्दै छ त रु हाम्रो ध्यान त्यतातर्फ पो मोडिनुपर्छ ।
