निरज बस्नेत, कार्तिक ४
कार्तिक १ गतेबाट खुलेको केएफसी विराटनगरमा ग्राहकको अस्वभाविक भिड बढेको छ । यसअघि अन्य सहर जादा मात्र पाई र खाईरहेको केएफसीका परिकार आफ्नै सहर आईपुग्दा विराटनगरवासी निकैनै उत्साहित बनेका छन् । केएफसीको स्वाद पहिलो चोटी चाख्न आउने ग्राहकको संख्या पनि विराटनगर केएफसीमा थुप्रैनै देखिएको छ । यहाँ क्रिस्पी चिकन, चिकन पपर्कन, चिकन स्ट्रिप्स र जिङ्गर वर्गर लगाएत केएफसीका सबै परिकार उपलब्ध गराईएको छ ।
पिंजा–हट र क्रिम–बेल पनि खुल्याे
दिव्यानी ईन्टरनेश्नल नेपाल प्रालिले नेपालमा आफ्नो १७ औं शाखाको रुपमा विराटनगरमा कार्तिक १ बाट केएफसीको शुरुवात गरेको हो । यसले केएफसीसँगै पिंजाहट र क्रिम बेल जस्ता विश्वप्रख्यात ब्राण्डको आउटलेटपनि सोहि दिनबाट शुभारम्भ गरेको छ । पिंजाहटको यो नेपालमा पाँचौं र कोशी प्रदेशको एक मात्र आउटलेट हो । दिव्यानीले ल्याएको क्रिमबेल एउटा प्रख्यता आईसक्रिम ब्राण्ड हो । यसले विभिन्न प्रकारको आईसक्रिमहरु गुणस्तरीय मापदण्डका साथ बनाउने गर्दछ । कम्पनीका व्यवस्थापक विजय शर्माले गुणस्तरकाे र स्वादकाे मामिलामा कहिले पनि सम्झाैता नगर्ने दिव्यानीकाेतर्फबाट प्रतिबद्धता व्यक्त गरेका छन् ।
कहाँ र कति बजेसम्म ?
विराटनगरको हाईवे शिवमन्दिर नजिक रहेको निर्माणाधिन सेन्चुरीयन मलको भुईतल्लामा केएफसी, पिंजा हट र क्रिम बेलको आउटलेट रहेको छ । सो आउटलेटहरु बिहान १० बजेदेखि बेलुकी १० बजेसम्म खुल्ने दिव्यानी नेपालकी बजार व्यवस्थापक निती बस्नेतले जानकारी दिइन् । साथै यसको होमडेलिभरी पार्टनर भोजडिल्स रहेको समेत बस्नेतले जानकारी गराइन् ।
