निरज बस्नेत
विराटनगर,कार्तिक २४
‘बाजेको सेकुवा’ रेष्टुरेण्टले विराटनगरमा आफ्नो १९ औं आउटलेटको बिहीबार उद्घाटन गरेको छ । उद्घाटन समाराेहमा बाजेको सेकुवाका संस्थापक स्वर्गीय दीनानाथ भण्डारी र खिला राजेश्वरी भण्डारीको प्रतिमालाई नेपाल उद्योग वाणिज्य महासंघका केन्द्रीय सदस्य तथा मोरङ व्यापार संघका अध्यक्ष नवीन रिजालले अनावरण गरे ।
कार्यक्रममा मन्त्यव दिदै उद्याेग संगठन माेरङका अध्यक्ष राकेश सुरानाले नेपालकाे प्रसिद्ध ब्राण्ड बाजेकाे सेकुवालाई विराटनगरमा भित्र्याएकाेमा धन्यवाद व्यक्त गरे । त्यसै गरी व्यापार संघ माेरङका अध्यक्ष नविन रिजालले नेपाली ब्राण्डकाे बाजेकाे सेकुवालाई केएफसी र मेकडाेनल्डजस्तै अन्तराष्ट्रियस्तरमा बिक्ने बस्तु बनाउन भन्दै शुभकामना व्यक्त गरे। अन्तमा रेष्टुरेण्टका संचालक चेतन भण्डारीले विराटनगरवासीले बाजेकाे सेकुवालाई हाैसला प्रदान गर्दै मनपराईदिएकाेमा धन्यवाद व्यक्त गरे ।
रेस्टुरेण्टका भुईं तला र पहिलो तलामा गरेर १५० जना अटाउने सक्ने क्षमता भएकाे रष्टुरेण्टका साझेदार केशव पाेखरेलले जानकारी दिएका छन् । र रेष्टुरेण्टभित्रै ५० जनासम्मको सेमिनार, कार्यशाला समेत हुनसक्ने प्रवन्ध रहेको पाेखरेलले बताए । बाजेकाे सेकुवासँगै रेष्टुरेण्ट परिसरभित्रै विश्व प्रसिद्ध बास्किन राेविनकाे आईसक्रिम पार्लर समेत संचालनमा ल्याईएकाे छ ।
४७ वर्षे इतिहास बाेकेकाे बाजेकाे सेकुवा नेपालकाे प्रसिद्ध सहरहरुमा बाहेक पनि संयुक्त राज्य अमेरिकामा समेत ३ वटा छुटै रेष्टुरेण्टहरु रहेकाे छ । सुरुवाती दिनमा संस्थापक भण्डारी दम्पतीले काठमाडाैंकाे सडक पेटीमा सेकुवा पाेलेर शुरु गरेकाे व्यापार अहिले अधिराज्यकै सबैभन्दा ठुलाे बारबेक्यू रेष्टुरेण्ट बनेकाे छ ।
