विराटनगर, मंसिर १२
विराटनगरमा पुस पहिलाे सातादेखि ट्रेड एक्स्पाे आयोजना हुने भएको छ। साे एक्स्पाे पुस ६ देखि १६ गते विराटनगरकाे शंकरपुर खेलमैदानमा गर्न लागिएको आयोजक संस्था मोरङ व्यापार संघले जनाएको छ ।
संघद्वारा सोमबार आयोजित पत्रकार सम्मेलनमा सुस्ताएको आर्थिक गतिविधिलाई चलाएमान बनाउने उद्देश्यले “मोरङ व्यापार संघ एक्सपो ” नाम दिएर प्रदर्शनी आयोजना गर्न लागिएको मोरङ व्यापार संघका अध्यक्ष नविन रिजालले बताए। रिजालले विगतको भन्दा फरक र आकर्षक स्टलहरू प्रदर्शनीमा राख्ने तयारी गरिएको जानकारी दिए। एक्सपाेमा हाराहारी ३ सय व्यवसायीक स्टलहरु राख्ने आयाेजककाे तयारी छ ।
एक्सपोमा ६० फिट अग्लाे आइफिल टावरको कपी समेत राखिने बताईएको छ । साथै बालबालिकाकाे लागी किड्सजोन लगायतकाे प्रबन्ध समेत गरिने भएकाे छ । एक्सपो संयोजकको जिम्मेबारी अनिलकुमार साह र सहसंयोजकको जिम्मेबारी अमित सारडा र सन्जय श्रेष्ठले पाएका छन् ।
