विराटनगर, पुष ०३
विराटनगरमा तिव्र बस्ती विकास हुदाँ खेलमैदानको रुपमा प्रयोग हुदै आएको यहाँका खाली मैदानहरु मासिदै गएको छ । खाली जग्गाहरुमा घर तथा व्यवसायीक भवनहरु बनाउने क्रम बढेपछि अहिले यहाँका बालबालिका तथा युवाहरुलाई आउटडोर गेम खेल्नको लागी समेत खाली मैदानको अभाव हुन थालको छ ।
बिगतमा जो कोहीपनि निशुल्क प्रवेश गरी खेल्न पाउने सहिद रंगशाला र वैधनाथपुर क्रिकेट मैदान जस्ता खेल मैदानमा समेत अहिले सर्वसाधरणलाई खेल्न बन्देज लगाईएको छ । फाटफुट नीजि लगानीमा खोलिएका फुटसल तथा कृत्रिम खेलमैदानहरु पनि शुल्क तिरेरमा मात्र खेल्न पाईन्छ । यस्ता खेलमैदानमा गरिब तथा निमुखा जनताको छोराछोरीले पैशा तिरेर खेल्न सक्ने अवस्था छैन । चाइल्ड राइट नेटवर्ककाे एक सर्वेक्षण अनुसार बिराटनगर महानगर क्षेत्रका १२ प्रतशित बालबालिकाले मात्र १ किलोमिटरको दुरीमा सुरक्षित खेल मैदानमा खेल्न पाउँछन । बाँकी रहेका बालबालिकाहरु सडक बाटो, प्रदषित र असुरक्षित ठाँउमा खेल्न बाध्य छन् ।
खेल मैदान संरक्षण गर्ने मुख्य दायित्व स्थानीय सरकारको हो । तर विराटनगर महानगरपालिका भने मैदान संरक्षण गर्ने विषयमा खासै गम्भीर भएको देखिएको छैन । बालिबालिका तथा युवाहरुको सर्वाङ्गीण विकासको लागी समेत हरेक समुदायमा कम्तीमा एउटा खेलमैदान हुन आवश्यक छ तर विडम्मवना विराटनगर महानगरपालिका भित्रै खुला चौर भेट्न समेत अहिले मुश्किल छ । महानगरसँग जग्गा नभएको भने हैन । महानगरभित्र ठाँउमा ठाँउमा सर्वाजनिक जग्गालाई पनि छ, तर ति जग्गाहरुलाई महानगरले उपयुक्त प्रयोगमा ल्याउन सकेको छैन । त्यस्ता सार्वजनिक जग्गालाई समेत खेलमैदान बनाउदाँ उपयुक्त हुने देखिन्छ ।
केहि समयअघि मात्र घाेषित भएको प्रादेशिक राजधानी विराटनगरमा दिनानुदिन निमार्णका कामहरु भईरहेको छ । विकासको प्रक्रियाले बाँकी रहेका खाली जग्गाहरुलाई अझै खुम्चाईरहेको छ । सोहीकारण महानगरपालिकाले अहिलेदेखिनै खेलमैदानको लागी खाली जग्गा संरक्षण गर्न जरुरी देखिएको छ । कम्युनिटि भित्र खालि जग्गा नभए, जग्गा खरिद गरेर भएपनि खेलमैदान बनाउन आवश्यक छ । किनभने खेलमैदान आज र भोली जहिले लागी पनि आवश्यक चिज हो ।
