विर्तामाेड,पुष २१ । विराटनगर निवासी समाजसेवी दिनबन्धु गोयलले शनिबार झापाको भद्रपुर नगरपालिका–५ स्थित गौतमबुद्ध आधारभुत विद्यालयका २ सय भन्दा बढि विद्यार्थीलाई न्यानो कपडा वितरण गरेका छन् । न्यानाे कपडासँगै उनले १५ जना विद्यार्थीलाई छात्रवृत्ति समेत प्रदान गरेका छन् । विद्यालयको ६०औं वार्षिकोत्सवको अवसरमा अफ्ना दाजु स्व.ओमप्रकाश गोयललाई सम्झदै उनले झापाका विद्यार्थीलाई सहयाेग गरेकाे हुन् ।
कार्यक्रममा समाजसेवी दिनबन्धुसहित प्रमुख अतिथि भद्रपुर नगरपालिकाका मेयर गणेश पोखरेल, विद्यालय व्यवस्थापन समितिका अध्यक्ष आरती पन्त, विद्यालयका प्रधानाध्यापक शोभा गुरुङ लगाएत विद्यालयका शिक्षकहरुले विद्यार्थीलाई जाडोको न्यानो कपडा र छात्रवृत्ति वितरण गरेका थिए । दाजु स्व.ओमप्रकाश गोयलको स्मृतिमा उनले हरेक वर्ष यसैगरि विद्यार्थीहरुलाई सहयाेग गर्ने गरेका छन् ।
समाजसेवी गाेयलकाे नेपालका धेरै उद्याेगधन्दाहरुमा लगानी समेत छ। उनकाे ति कम्पनीहरुमा ठुलाे सेयर हिस्सा रहेपनि आफु कार्यकारी पदमा कहिले बस्ने गरेका छैनन् । उनीले आफ्ना कम्पनीहरुबाट आउने मुनाफाहरु प्रायजसाे दानधर्म गरेरै सदुपयाेग गर्ने गरेका छन् । आफुले गरेकाे दानधर्मकाे प्रचारप्रसार गर्न गाेयल खासै रुचाउदैनन् । तर साेसल मिडिया तथा संचारमाध्यमहरुबाट आफुले गरेकाे काम अरुले देखेपछि समाजसेवा गर्ने प्रेरणा सवैलाई विकास हुने गाेयलकाे विश्वास छ । गाेयलले औपचारिक रुपमा मात्र नभई अनाैपचारीक रुपमा पनि गरिब दुखीलाई दिनैजसाे सहयाेग गरिरहेका हुन्छन् । मर्दा–पर्दा, विवाह, विरामी, क्रिया अदिमा लग्ने खर्च उनले गरिबका लागी सधैनै उठाईदिने गरेका छन् ।
