विराटनगर, पुष २२
विराटनगरको कन्चनवारी एरिया आसपासमा दर्जनौ होटल तथा रेष्टुरेण्ट खुलेका छन् । खुल्ने क्रम जारीनै छ । होटल व्यवसायलाई सेवामुलक क्षेत्रको रुपमा हेरिन्छ । तर, यहाँ कन्चनवारी एरियामा केही समय अगाडी खुलेका कतिपय होटल तथा रेष्टुरेण्टको हकमा भने सेवा कम मेवा ज्यादा हुने गरेको पाइन्छ । हुन त होटल व्यवसाय आजभोली सेवामूलक भन्दा पनि नाफामूलकनै हुन थालेको प्रति, विराटनगर १ का स्थानीय अंशु गुप्ता चिन्ता व्यक्त गर्छन् । गुप्ता थप्छन् , विराटनगरमा भर्खरै खुलेको , बाजेको सेकुवा घरमा गएको थिएँ , सेकुवा स्पेशल भनेर मगाए । सेकुवाको गुणस्तर मलाई स्वं लाई चाही मनपरेन । यो कुरा चाहीँ भनिरहदा मलाइ आफैलाई नरमाइलो लाग्यो , गुप्ताको यसप्रति दुःखेसो छ । किन भन्दा सेकुवा भन्ने वितिकै बाजेको सेकुवा अग्रपंक्तिमा आउँछ , हो यही मान्यता बोकेरनै म पनि बाजेको सेकुवा खान गएको हुँ , भन्दै गुप्ता भन्छन् , यो पाली मलाई बाजेको सेकुवा नमिठो लाग्यो । मान्छेको आफ्नो आफ्नो च्वाइस हो । कसैलाई बाजेको सेकुवा मनपर्ला । कसैलाई मन नपर्ला । फेरी यहीँनिर संचालन भइरहेका कतिपय राम्रा –राम्रा होटलहरु पनि नभएका होइनन् । पक्कै पनि छन् । बाजेको सेकुवा घर एउटा प्रतिनिधि होटलको रुपमा हेरिदा हुन्छ । यसको राम्रो पक्ष पनि छ । सँगै नराम्रो पक्ष पनि हुन्छ । अन्य होटलको सवालमा समेत यही कुरा लागू हुन्छ । हामी पनि योवेला यही बाजेको सेकुवामा पुगेको बेला स्थानीय गुप्ताले हामीसँगको भेटमा यीसव कुरा बताएका हुन् । आगामी दिनमा विराटनगरका अन्य होटलका सम्वन्धमा जे देख्छौ , त्यहीँनै लेख्छौं ।
